大腿可以話係最難瘦落嚟嘅部位之一，到底點樣先可以擁有好似韓國女團一樣嘅筷子腳呢？其實最重要嘅就係做返大腿部位嘅重點訓練，強化返大腿內側嘅肌肉群，咁就可以練返個腿型出嚟咖啦！
個訓練都好簡單，只要喺瞓覺之前用3分鐘，完成3個動作，就可以練成美腿。其實訓練大腿嘅肌肉係好重要咖，咁做可以幫忙改善同埋預防唔正確嘅姿勢，仲可以令到血液循環得更加好。
第一步： 先趴喺瑜珈墊上，雙手交疉並放喺額頭下面，然後合起雙腳，再將其抬高至離地5至10cm，之後打開雙腳再合併30秒。
第二步：躺喺瑜珈墊上，將雙手交疉並放喺後腦位置，然後用力將頭至肩膀位置稍稍離地，再以左腳交叉放喺右腿上嘅姿勢，將雙腿呈45度角抬起。呢個動作要以左右腳交替咁樣做，每次維持30秒。
第三步：側躺喺瑜珈墊上，以單手撐住頭部，右腳就屈膝，踩喺左腳膝蓋外側前。左腳就先直放喺地皮上，然後再重覆抬起放底20次，同樣都係要左右腳交換。
可以持之以恆做呢一套動作嘅話，大家都可以擁有瘦長美腿！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
