新年即將來臨，D2 Place率先與你迎新春、接福氣！明年適逢己亥豬年，D2 Place將聯乘本地插畫家Lianne Tse，特別推出以三隻小豬為主題嘅「豬事家族」精美利是封套裝，為新年增添喜慶氣氛，並祝大家「豬」事順利！

三隻小豬拉埋粉紅妹豬 變身利是封賀新年

家傳戶曉嘅童話故事《三隻小豬》將會回歸D2 Place！三隻小豬長大之後，生活一帆風順，家中仲迎嚟咗新成員──粉紅妹豬！今個新年，「豬事家族」全員將搖身一變，以得意繪本造型化身利是封，帶住唔同嘅新春賀詞嚟同大家拜年，將祝福送到每個人手上！

四隻豬豬都喺屋企悉心準備，紛紛以鮮艷又吉祥嘅色彩裝飾起來，更喺亮點部分塗上閃閃發光嘅金漆點綴，盡顯氣派。

利是封套

四隻豬豬已經準備好向大家報喜拜年啦！只要敲敲豬豬家傳統朱門上嘅金漆豬豬門把，四隻豬豬就會馬上跳出來與你喜迎豬年！

設計一：醒過醒獅

豬大哥戴住醒獅頭嚟為新年打響頭炮，將喜慶嘅消息傳揚開去，並為大家除禍迎福，祝願大家來年繼續醒醒目目，「豬」事亨通！

設計二：金花怒放

豬二哥細心栽種嘅鮮花開得非常絢麗，仲結出咗好多元寶同埋金幣！豬二哥當然要同大家分享喜悅，並祝大家花開富貴！

設計三：豬缸寶氣

最叻豬嘅豬三弟將金銀珠寶都拎哂出嚟，邀請大家浸個金銀滿屋浴，希望大家出年可以賺個盆滿砵滿，豬籠入水！

設計四：豬燈結彩

粉紅妹豬當然要利用粉紅粉紅趣緻嘅面嚟將喜慶氛圍帶俾大家，恭祝各位一「豚」和氣，闔家平安！

利是封換領詳情
於2019年1月12日至2月4日期間，顧客凡於指定零售商戶消費滿HK$500*，即可在商場一期1樓顧客服務處或二期地下商場顧客服務處換領利是封套裝乙套（每套8個，共4款設計，每款設計2個）；於指定零售商戶消費滿HK$800*更可換領利是封套裝兩套！數量有限，換完即止。

*最多接受2張不同指定零售商戶（不包括於市集，Pop-Up Stores或其他商場推廣活動）之發票，每張發票最低消費HK$100。