近年「氣墊潮」蔓延於全球彩妝界，繼氣墊粉餅走紅後，氣墊胭脂、氣墊遮瑕、氣墊眼影亦紛紛面世。美國知名彩妝品牌REVLON首度推出「Kiss™ Cushion Lip Tint 絲絨霧彩氣墊唇筆」，以柔軟氣墊筆頭呵護雙唇，締造猶如度身設計嘅超持久漸變唇妝。

REVLON  Kiss™ Cushion Lip Tint 絲絨霧彩氣墊唇筆    HK$108/4.4ml     

全新氣墊唇筆蘊含極致舒適及柔潤混合配方，既保留水潤顯色的效果，又能達至潤唇膏般功效。新品上唇觸感猶如水一般親膚，配合柔軟氣墊筆頭能精準塗抹喺唔同嘅唇形上，締造嬌豔欲滴嘅果汁水嫩唇。 

REVLON全新氣墊唇筆  一筆完美顯色遮蓋唇紋

氣墊唇筆讓唇妝展現更滋潤亮澤嘅妝效! 踏入1月，REVLON率先推出「Kiss™ Cushion Lip Tint 絲絨霧彩氣墊唇筆」為開架彩妝界打響頭炮。全新氣墊唇筆喺美國推出時瞬間成為一眾美妝博主嘅新寵兒! 系列主打水潤、高顯色度嘅水感妝效，用家只需扭動筆身以釋出氣墊唇筆內嘅唇液，數秒後唇液就滲透氣墊筆頭，輕輕塗抹喺雙唇上，呈現出更飽滿、更柔順嘅水感櫻唇。

柔軟嘅圓錐筆頭觸感舒適親肌，呵護雙唇同時可以精準塗抹喺唔同唇形之上。嶄新設計既唔會造成唇膏結塊不均勻嘅問題，亦更易控制沾取唇液嘅份量以及唇色嘅深淺度，化妝新手都可以創造出專業又自然嘅唇效。

潤唇膏＋唇筆混合配方 打造令人無法抗拒的果汁嫩唇 Let’s Plush It!

氣墊唇筆蘊含不同具高效保濕滋潤成份，包括椰子油、馬魯拉果油及海甘藍油等，維他命E配方同時幫助修復乾裂粗糙雙唇。質地超乎想像輕柔不黏笠、不油膩，保濕精華可以同唇部肌膚即時貼合，告別雙唇乾燥脫皮、唇紋盡現嘅情況，為櫻唇帶嚟最滋養、舒適嘅上妝體驗。

全系列包含8款鮮豔飽和嘅果汁色調，單擦薄薄一層已經非常自然顯色，只須由嘴唇中央由內往外暈染便能打造出立體漸層嘅韓系花瓣染唇妝。其中呈茶花色調#220 Pink IRL 及帶紫調嘅櫻桃紅色#230 Naughty Mauve 為品牌推介嘅約會不敗唇色，一抹呈現出女性嘅知性溫婉氣質，任何膚色皆能駕馭。

飽和鮮明嘅梅红色#240 Berry Lit及罌粟紅#260 Crimson Feels能令肌膚更顯白皙，增添性感嫵媚嘅魅力，具氣勢但又唔會過於張揚嘅妝感適合初入門紅唇妝嘅女生。全新氣墊唇筆散發獨有嘅淡淡香草味，仿如塗得上唇嘅甜點，用上唔同色調混搭疊擦，毫不費力就能夠打造出百變動人唇妝。