作為美國時尚指標嘅領導服裝品牌，Brooks Brothers一直致力為大家設計出既經典，又具時尚氣息嘅時裝。追溯200多年歷史，Brooks Brothers不斷為時裝界帶嚟驚喜，並多次率領時尚潮流，當中扣領襯衫「The Original Polo® Button-Down OxfordDress Shirt」嘅推出更係時裝界一大重要里程碑。

1896年，Henry嘅孫兒John Brooks喺英國參與馬球比賽，並發現騎師嘅衫領被扣上紐扣，以防衫領隨風晃動，影響騎師表現。發現呢個特色後，John靈機一觸將概念帶返美國，並融入Brooks Brothers嘅服裝設計當中，成為Brooks Brothers嘅獨特時裝賣點。此後，各大品牌更爭先仿傚推出同類型嘅時尚服飾。

突破時裝界限

美國時裝文化曾經歷多次革命性嘅改變，Brooks Brothers嘅扣領襯衫「Original Polo® Button-Down OxfordDress Shirt」喺1900年推出，其革新設計展示咗品牌200年嚟一直非常重視嘅創新設計思維。在此之前，配有可拆式、預制衣領及按壓鈕釦袖口嘅襯衫一直佔住時裝界嘅重要地位。

當Brooks Brothers嘅扣領襯衫「Original Polo® Button-Down OxfordDress Shirt」一推出市場，馬上成為當時熱話，而當中嘅白色牛津襯衫更打破男士時裝嘅悶局，喺20世紀嘅時裝史上風頭一時無兩。Brooks Brothers 並無因此止步，反而更進一步改良衣領，推出無內襯衣領、袖口、口袋嘅襯衫，配合帶有光澤嘅精緻耐用珍珠母貝鈕釦設計，更完美的襯衫從此面世。

獨具匠心的美國製衣工藝

兩世紀以嚟，時裝界一直採用最優質衣料創造時尚潮流，而Brooks Brothers更係當中嘅表表者。Brooks Brothers 於北卡羅萊納州加蘭擁有自設嘅製衣工場，入面包攬頂尖製衣技術及經驗豐富嘅製衣精英。配合國內自家工場，Brooks Brothers嘅衣料絕對有優質保證，而品牌對細節嘅專注更係其他品牌無可比擬嘅，難怪能為顧客送上非同凡響嘅時裝體驗。

以Supima棉料扭轉時尚

Brooks Brothers牛津襯衫採用美國生產嘅Supima®棉料製造，並喺意大利編織而成。獨特嘅優質衣料能塑造出時尚氣息，打造與眾不同嘅優雅造型。數十年嚟，Brooks Brothers牛津襯衫一直長駐店舖，經過多番改良後，衣料既舒適又耐用。除咗打造出更強持色度，Supima®棉料亦能帶嚟更軟綿質地，同時令服裝減少變形機會。

Brooks Brothers 創造Oxford襯衫，Supima 打造更軟綿衣料，讓你造就獨一無二造型

數及Brooks Brothers最喜歡嘅衣料，絕對係Supima®棉料。而喺接落嚟嘅冬季及春季，Brooks Brothers將會繼續採用Supima®棉料，為大家打造時裝。扣領牛津襯衫將會定價為港幣$1590，喺港威商場、國際金融中心、銅鑼灣崇光百貨(男裝)、圓方以及又一城店舖發售。馬上前嚟選購心儀時尚單品，將佢地帶返屋企。