毎年1月尾至二月頭，札幌嘅藝術之森都會舉行冬祭—「雪燈祭典」。係一條由雪同蠟燭並列而成嘅小路上面，參加一日限定嘅工作坊，透過「睇」、「做」、「食」種種嘅體驗去感受特別嘅一日。趁住今個冬天，帶埋屋企人或者朋友，嚟札幌藝術之森，製作不一樣嘅溫暖聖誕。

#蠟燭小路點燈會

(artpark.or.jp)

    係藝術之森嘅小路上，擺放住數百盞利用冰製作嘅水滴形蠟燭，盞盞造型都格外可愛！由4點半開始，藝術之森會同各位來賓進行簡單而隆重嘅點「燈」儀式，透過溫暖嘅燭光，「點」走寒冬！

#年糕製作大會

(artpark.or.jp)

    「嘿咻！嘿咻！」小編細細嗰就想好似動畫入面嘅角色咁，同屋企人或者朋友仔一齊整年糕。今年，大受好評嘅年糕製作大會將會繼續舉行！未試過整日本年糕嘅你，一定要免費體驗由藝術之森舉辦嘅年糕製作大會。提一提你：當整年糕嘅材料用哂，年糕製作大會就會結束！

#蠟燭製作工作坊

(artpark.or.jp)

    想唔想製作依個世界上獨一無二嘅蠟燭呢？透過係紙杯上面繪畫自己嘅心水圖案，寫上標語、祝福語或者願望等，製作世上唯一一個嘅蠟燭。你仲可以將你嘅成品拎去蠟燭小路，同會場幾百盞水滴形蠟燭一齊進行點燈傳式。

#雪兔製作及限定工作坊

(artpark.or.jp)

    係雪地上，又點少得一隻又一隻得意可愛嘅雪兔？利用雪白色嘅雪，以及樹枝、松果等等天然又可愛嘅材料，親手製作獨一無二嘅原創雪兔。係「雪燈祭典」，你仲可以參加「擦膠印章製作」、「木製飾品製作」等當日限定嘅工作坊，感受溫暖嘅冬天。

    即使落住雪，「雪燈祭典」係寒冷嘅冬天格外溫暖。1月26號，札幌藝術之森，約定你度過暖笠笠嘅冬天！

「雪燈祭典」

地點：北海道札幌市南區藝術之森2-75
日期：2019年1月26日