講到最吸引少女心嘅水果，莫過於士多啤梨。士多啤梨嘅粉粉紅紅，令人聯想到一身少女打扮；佢香香甜甜嘅味道，亦令人聯想少女嘅甜。用士多啤梨整成嘅甜品，就更加吸引一眾少女心。係2019年嘅京都將會舉行「Super Strawberry Festival」，將會以瑞士嚟嘅士多啤梨為主嘅放題，綻放少女心。

# 朱古力星球糕點

(keihanhotels-resorts.co.jp)

係你坐低咗之後，店員就會為你送上以宇宙為設計主題嘅糕點— 「朱古力草莓星球」。以朱古力球整成一個行星，側邊仲有閃閃發光嘅閃粉，模擬宇宙中嘅景色。而係「朱古力星球」入面，仲有酸酸甜甜嘅士多啤梨。以朱古力嘅甜同士多啤梨嘅酸混合，做成絕妙嘅組合！

# 人品限定！金之草莓

(keihanhotels-resorts.co.jp)

原來朱古力星球唔只食仲有得「玩」！每一日，「Super Strawberry Festival」將會令其中一個「朱古力星球」變透明嘅「朱古力星球」。「透明朱古力星球」附近仲有金碧輝煌嘅黃金草莓。好彩嘅話，就可以享用「鉑金」級嘅士多啤梨驚喜。

# 士多啤梨甜品

(keihanhotels-resorts.co.jp)

除咗朱古力星球糕點外，「Super Strawberry Festival」仲有各式各樣別緻嘅士多啤梨甜品。好似士多啤梨馬卡龍、士多啤梨酥餅、士多啤梨啫喱等等，應有盡有。各位鍾意食士多啤梨嘅朋友，一定唔可以錯過！

# 「INOBUN」室內設計展示

(keihanhotels-resorts.co.jp)

生活品味設計品牌「INOBUN」將會以星像儀為題，設計今次「Super Strawberry Festival」嘅場地，利用唔同星球閃閃發光嘅形象，打造華麗而又奇幻嘅空間，令大家仿如置身宇宙，享受美味嘅草莓放題。

京都嘅「Super Strawberry Festival」，不論係鍾意食士多啤梨嘅朋友，定係充滿少女心嘅女仔，都係一個不容錯失嘅活動。仲唔快啲買定機票去京都，享受「草莓祭」？

「Super Strawberry Festival」

地點：京都世紀飯店

日期：2019年1月11日至4月21日（星期五、六、日限定）
時間15:30～17:00

日期：2019年4月26日至5月6日
時間：15:30～17:00

票價：大人 4210円　7-12歳 2105円　4-6歳 1011円