港式西餐品牌Made in HK Restaurant一直為客人創造出新舊合璧嘅經典香港味道。由一月起，觀塘apm及旺角朗豪坊兩間分店將於一連五個月推出每月快閃優惠，喺每月嘅特選日子呈獻不同買一送一及半價折扣，為食客味蕾帶嚟新驚喜！

一月逢星期一：流心西多一加一！
喺接下來嘅一月21及28日，客人可享全日主餐牌流心西多士買一送一優惠！行政副總廚Kevin Chan精心設計嘅4款流心西多士：包括吉列流心奶皇西多士($58)、吉列流心紫薯西多士($58)、吉列流心紅豆西多士($58)及吉列流心爆醬華田西多士($68)，客人均可以一份價錢，一次過品嚐兩款西多士嘅雙重滋味！香脆嘅吉列外層包住中間嘅甘甜流心餡料，每一口都係誘惑滋味！

二月逢星期二：悠閒下午二重奏！
喺二月嘅12、19及26日(大年初一除外)，客人可享下午茶餐第二客半價優惠！餐廳每日下午均會供應定期轉換嘅下午茶套餐，俾你選擇以豐富主食或輕盈美點伴你度過一個悠閒下午！

港味三層下午茶(二人用)($178)當中齊集多款小食如玉桂多士、紅豆椰汁糕、焦糖燉蛋、叉燒酥、炸雞翼、肉醬焗薯皮、夏威夷薄餅及迷你熱狗，份量十足！其他套餐如黑松露炒蛋菠蘿包($72)及卡邦尼意粉($68)等，客人只需惠顧任何一款套餐，即可以半價享用第二客！全部下午茶餐均配以咖啡或茶。

三月逢星期三：火熱鐵板三月賞！
喺三月嘅6、13、20及27日，客人可享全日主餐牌鐵板餐第二客半價優惠！客人只需惠顧任何一款鐵板鋸扒，即可以半價品嚐第二份鐵板：如香港製造精選雜扒($198)、荷蘭汁焗龍蝦拼肉眼扒($238)、脆香鵝肝牛柳($218)、香草羊架($188)或香草春雞($148)等！

除咗將半邊波士頓龍蝦及厚切肉眼扒共冶一爐嘅荷蘭汁焗龍蝦拼肉眼扒外；同時可細味肉眼扒、豬扒、雞扒及德國肉腸嘅香港製造精選雜扒亦係唔錯嘅選擇！每款鐵板餐均配以薯條或焗薯及雜菜，另從紅酒汁、黑椒汁、黑松露野菌汁、迷迭香汁或熱情果汁中選擇喜愛嘅醬汁，令人非常滿足！

四月逢星期四：焗飯濃香四處溢！
喺四月嘅4、11、18及25日，客人可享全日主餐牌焗飯買一送一優惠！招牌菜式吉列豬扒青蘋果焗飯($108)採用香脆吉列豬扒配上微酸嘅爽脆青蘋果肉，令人回味無窮。

焗俄國牛柳絲/雞柳藜麥飯($108)以番茄酸忌廉醬汁襯托牛柳絲或雞柳同焗，幼滑可口。焗鴛鴦炒飯($128)更可同時品嚐魚肉梅菜香檳忌廉汁及肉醬牛柳，惹味獨特！焗海鮮飯($138)及焗葡國雞飯($98)亦係熱辣窩心之選！

五月逢星期五：周末暢飲五點半！
於五月嘅3、10、17、24及31日，客人可享晚市飲品買一送一優惠！餐牌上多款特飲、無酒精雞尾酒、杯裝餐酒及樽裝啤酒，均可喺下午5時30分後買一送一！特別推介幾款清新嘅無酒精雞尾酒：紅莓伯爵茶($38)、草莓熱情梳打($38)、青瓜薄荷青檸($38)及梨香茉莉茶($38)。客人可於星期五晚盡情暢飲，將歡樂時光延續下去！

以上優惠均受條款及細則約束。送贈或半價之菜式價錢必須為同一單據上同類型之最低價值。每枱限用優惠一次，只適用於堂食。優惠並不包括加一服務費，加一服務費將以原價計算。優惠詳情可能有所改動而不作另行通知。

詳情可瀏覽：www.cafedecogroup.com。如有需要可於以下網頁下載高解像度圖片：https://bit.ly/2Fw3dVo 

Made in HK Restaurant (朗豪坊)
地址：九龍旺角朗豪坊8樓02-03店
電話︰+852 2918 1655
營業時間：星期一至日　中午12時至下午10時30分

Made in HK Restaurant (apm)
地址：九龍觀塘創紀之城5期apm L1樓L1-13號舖
電話︰+852 2156 2000
營業時間：星期一至日　上午8時至下午11時