Homita - 真係羨慕死人!日本令香港人眼紅的幾件事
#美食九月
×
Quiz
Beauty
+
Body
+
Fun
+
Foodie
+
Me
Time
+
Shopaholic
+
Travel
+


  


真係羨慕死人!日本令香港人眼紅的幾件事
 |  by  |  1 year ago   

    

小編成日飛日本,有人問過小編:「成日去日本唔悶㗎咩?」當然唔悶啦!日本多野玩之餘,仲有幾樣係香港好難遇到嘅事。今次,就等我同大家講下日本有咩事咁吸引我啦!

#    食煙文化


(google圖片)

    「食煙文化」講緊嘅係煙民嘅自律,點樣係唔影響到其他人嘅情況下食煙。小編對煙味特別敏感,亦同好多非煙民一樣好憎人食煙。係香港,煙民永遠「自由」行先,妄顧其他人嘅健康,係車站附近,又或者係交通燈附近食煙。甚至會有俗稱「火車頭」嘅煙民邊行邊食,香港人多路窄,一唔好彩行係個「火車頭」後面,真係神仙都難救。係日本,煙民係會為非煙民著想,企埋一邊食,甚至會用煙味無咁濃烈嘅電子煙,以減低對其他人造成嘅影響。奈良縣仲立法禁止食完煙後45分鐘內搭????,以免大家食三手煙。「食煙文化」係要靠煙民自律,每次去日本,小編都會講句:「如果香港啲煙民學到日本嘅一半就好啦!」

#    寧靜嘅車箱


(google圖片)

小編最鍾意搭車嗰陣聽歌訓教。係香港,想係車入面靜靜地聽歌訓教,係一件非常非常之難嘅事嚟,啲人唔係大聲講野就係大聲傾電話,仲有啲人開住大聲公播歌播片同打機。每次係香港搭車,小編都會比啲噪音嘈醒。係日本,雖然大家都會傾計同講電話,但就會細細聲講,盡量唔好嘈到人。小編我作為一個鍾意「靜」嘅人,日本嘅車箱自然係小編鍾意去日本嘅一個主因。

#    準時嘅班次

(google圖片)

眾所周知,日本嘅班次係非常準時,話30分開就真係30分開,唔會遲亦都唔會早。想知班車幾時到,只要上網搵「時刻表」就可以。對比香港,你永遠唔知㗎車真正到嘅時間。每次等巴士,明明寫住15至20分鐘一班,都可以等成30分鐘都未有車到。地鐵班次密都還好,但搭巴士、小巴,要預啱時間真係好難。係日本,無論鐵路定巴士都非常準時,要預時間都特別輕鬆簡單。

#    耐性


(google圖片)

    香港精神就係「快」!香港人做乜都好心急,就連買野、用ATM等等,都要9秒9完成。係香港,買完野之後想擺返好啲戰利品都會招人現眼,小編每次都覺得咁做有一股莫名嘅罪惡感。日本人就相對有耐性,會等你擺返好啲錢,再將包好嘅貨品交到你嘅手中,而且後面嘅客人係唔會有半句怨言,耐心咁等候。小編都知香港嘅生活節奏緊迫,但買野都咁大壓力嘅時候,日本人嘅耐性自然非常加分。

#    煙灰缸同垃圾桶分開


(google圖片)

    雖然日本嘅街上面無乜垃圾桶,但街上遠比行兩步都係垃圾桶嘅香港乾淨。點解?除咗當地人嘅公德心之外,煙灰缸同垃圾桶分開都係一個重要元素。香港嘅垃圾桶對上就係煙灰缸,一大陣煙味令人唔敢行埋去揼垃圾,只會離遠咁揼。「劉江華」(垃圾桶)個口仲越嚟越細,要揼中就更加難上加難。係日本,佢哋嘅垃圾桶同煙灰缸分開,再加埋日本人嘅公德心,令成個日本都特別乾淨。

#    包裝

(google圖片)

    雖然日本人好講究環保,但買野都會主動比膠袋。成日都話日本人好細心,係「包裝」方面就可以睇到。熱食、凍食同粉狀、液體嘅非食品(例如:洗頭水、洗衣粉等)會分開唔同嘅膠袋。有次係福岡嘅7仔買M巾,店員幫我用紙袋包好,等我無咁尷尬。對比香港,就算未有膠袋徵費都好,店員都會將所有野盡量塞哂係同一個袋到。可能你會覺得日本人咁做好浪費,但總比食物被化合物污染好。再且,啲膠袋可以用嚟裝垃圾。諗深一層,細心得嚟又唔浪費。

    當然,日本仲有好多地方吸引我,好似啲食物特別好食、啲人又有禮貌等等。但以上所講嘅事,問心要係香港依個彈丸之地發生真係難上加難,特別係一啲講求人為道德嘅事,就更加難係香港發生。如果每個人都可以好似日本人咁,凡事多為人著想,你話依個世界會變得幾美好呢?
 

如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information




You May Also Like
This Week's Top Post
布甸狗絕密部屋首次曝光! 原來係要開聖誕派對?
Coco - 1 year ago
堔圳文青遊 F518時尚創意園
Y小編 - 3 years ago
Christmas in the air 全港聖誕裝飾逐個捉!九龍篇
Y小編 - 1 year ago
名古屋有新商場! 家庭旅行好去處
Coco - 2 years ago
郊遊習作 華富邨隱世瀑布
Y小編 - 2 years ago
原來東京有條江戶街道? 温泉樂園享受愜意時光
Coco - 2 years ago