想減肥就要節食係大家共同嘅觀念。為咗成功瘦身,有人會每餐都計住卡路里進食,並減少食量,但似乎點努力都無咩瘦落嚟嘅跡象。明明已經搏命減少攝入嘅熱量,點解都係瘦身失敗嘅呢?其實利用計算卡路里去控制熱量攝取係個可取嘅方法,但執行上就有幾點要注意啦!
#避免激烈節食
食少咗卡路里並唔等於一定會瘦,因為身體喺燃燒脂肪嘅時候係需要能量去進行代謝嘅,所以用激進地節食減肥並唔係一個可持續嘅方模式。對瘦身無幫助之餘,仲會令代謝率下降,同時令肌肉量減少,導致減肥路更加艱難。
#注意攝取營養
喺節食期間,身體會發現自己處於飢荒狀態。為咗確保能夠維持代謝,身體會喺有食物攝取嘅時候開始囤積脂肪,以免體內嘅能量不足。所以喺控制卡路里嘅同時亦要學會維持平衡,避免增加熱量吸收。
#留意食物所含成份
卡路里並唔係減肥時唯一要注意嘅野,仲要睇埋食物當中嘅成份。成份不一嘅食品可以為你帶嚟同等嘅卡路里,但當中嘅營養價值可以有天壤之別。一杯含糖飲品嘅卡路里可以與一碗糙米飯及兩盤青菜相比,但前者只有大量糖分,後者就有豐富膳食纖維幫助身體除廢。
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like