忍口一定係減肥最困難嘅部分！喺節食期間難不免喺街上見到或者係嗅到各種美食，頓時令自己嘅食慾大增，一個唔小心更係會破戒開食。唔想陷入美食嘅迷惑的話，只要學識呢一招，騙過自己嘅大腦就可以輕鬆過關。
美國南佛羅里達大學嘅研究指出，利用氣味去滿足感官比起直接限制更能有效地影響食物選擇。研究團隊發現只要受試者聞高熱量食物氣味超過兩分鐘，喺選擇時就會偏向健康食物。
團隊喺中學自助餐廳以及超市中進行測試，研究人員喺兩個地方釋放出健康食品或垃圾食品嘅氣味，再比較兩種氣味喺同一個地方所得出嘅結果。佢地發現當垃圾食品嘅氣味被釋放的話，受試者就會偏向選擇健康食品，而健康食物氣味被釋出的話，佢地就會偏向選擇垃圾食品。
結果顯示我地可以利用氣味去瞞騙大腦，通過嗅垃圾食品嘅氣味去令自己對食物嘅渴望得到滿足，同時又唔需要真正攝入食物。所以喺面對誘惑嘅時候，不妨嗅足兩分鐘，減低進食垃圾食物嘅慾望啦！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
