女士們嘅最大夢想就係減肥不廢吹灰之力,唔洗做運動就最好啦!早前就有研究指出睡眠有助瘦身,但並唔係隨便瞓一覺就可以達到燃燒脂肪嘅目的,只有高質量嘅睡眠先可以做到最佳效果。想越瞓越瘦嘅話,就喺臨瞓前做好呢四件事啦!
#睡前二小時不進食
進食後腸胃需要時間進行消化,如果一食飽就去瞓嘅話,就會對腸胃造成極大嘅負擔,更有可以引起消化不良嘅問題。所以瞓之前兩小時就唔好再食野啦!當然晚上亦都唔好食得太飽,以免影響睡眠質素,仲會減慢第二朝嘅新陳代謝,不利減肥。
#食用含色胺酸食品
牛奶、雞蛋及香蕉等食品都含有色胺酸,可以提高睡眠質素。色胺酸係身體用嚟製造血清素嘅,而血清素有安定精神嘅作用。食用呢類食品就可以預防失眠問題,瞓得好嘅時候,消脂嘅能力亦會變得更強。
#睡前做伸展運動
簡單嘅拉筋以及伸展運動可以令人放鬆身心,喺睡前三小時進行的話,就可以更容易進入深層睡眠。但係要注意唔好做太過劇烈嘅運動,以免令自己變得過於精神,反而難以入眠。
#營造漆黑睡眠環境
要進入深層睡眠就係靠體內嘅褪黑激素,呢種激素可以放鬆我地嘅身體,從而陷入沉睡。但呢種激素只會喺全黑嘅環境下分泌,所以睡覺嘅時候就要拉上窗簾,關上電燈,打造一個全黑嘅環境。
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like