對於生長喺無雪環境嘅香港人嚟講，喺冬季到訪日本旅行其中一個重要目的，就係要喺雪上任意遨遊。而要體驗滑雪樂趣，就當然唔可以錯過【宮城藏王Eboshi Resort（みやぎ蔵王えぼしリゾート）」。作為縣內最大規模嘅滑雪場，擁有利用天然地形而建嘅10個滑雪道，單板、雙板都能玩到盡興。滑雪場擁有宮城縣最長滑雪道嘅（4.3公里！），坡度相對較平緩，初學者可以放心練習滑雪。

【宮城藏王Eboshi Resort】
∎地址： 宮城縣刈田郡藏王町遠刈田溫泉倉石岳國有林內
∎交通： 可搭乘從GOZAIN會廳･遠刈田溫泉出發的免費接駁巴士前往。
＊接駁巴士運行期間：即日起〜3月24日期間（週六・日・國定假日・年末年初）
∎網址： http://www.eboshi.co.jp/en/
如想了解更多有關宮城縣内滑雪場資訊，可瀏覽: http://www.miyagi-kankou.or.jp/ski/

五大秘境溫泉景點推薦，冬天日本泡湯去！
位於日本東北宮城縣嘅山麓下，藏有多個鮮為人知嘅溫泉秘境。例如：藏身於傳統工藝重鎮之中嘅【遠刈田溫泉】、擁有千多年歷史及擁有豐富泉質嘅溫泉療養地【鳴子温泉鄉】及、讓日本戰國時代東北霸主伊達政宗休養生息嘅名湯【秋保温泉鄉】。相比一般熱鬧而擁擠嘅觀光溫泉，呢啲地方有如世外桃源。

鳴子溫泉鄉

秋保溫泉鄉

遠刈田溫泉鄉

春天絕景！一眼就能看到千棵櫻花樹 !
白石川堤位於宮城縣大河原町，更以春天櫻花盛開時嘅「一目千本桜」聞名！正如字面意思，「一目千本桜」指一眼就能見到千棵櫻花樹。由大河原到柴田町嘅白石川堤防長約8公里,種植咗大約1200棵櫻花樹，主要以染井吉野櫻花樹為主。最特別嘅係，呢千幾棵櫻花，以雪白藏王連峰作背景，加上白石川溪流為襯托，第二個地方係見唔到呢個景象咖！

喺充滿櫻花嘅春季，亦會舉行大河原櫻花節、由在船岡城址公園遠眺柴田櫻花節嘅賞花活動。
∎地址: 柴田郡大河原町大谷船岡城址公園
∎交通：從JR「大河原站」步行約3分鐘
∎最佳季節：４月
∎網址：http://japan.miyagikankou.or.jp.t.afh.hp.transer.com/theme/detail.php?id=14480