南樂園「梅之祭」與你細賞日本梅花美景

    日本嘅冬天，唔止可以賞雪景，亦係賞梅嘅好時機。愛媛縣嘅南樂園就藉著依個「賞梅」嘅機會，舉辦名為「梅之祭」嘅活動，同大家細賞「梅之美」。

#    梅花販賣

(nanreku.jp)

    除咗可以觀賞梅花美景，南樂園仲準備咗各式各樣嘅梅花比大家買返屋企，包括：鹿兒島紅梅、花梅、魚柳梅等，等各位來賓可以帶真正嘅梅花返屋企種植，令屋企更加有「梅雨季」嘅氣氛。

＃    幼稚園「人偶製作」展

(google圖片)

    今次嘅「人偶展」，係由宇和島市入面嘅番城美徳幼稚園嘅小朋友所製作。大家嚟「梅之祭」嘅同時，一定唔可以錯過欣賞小朋友所製作嘅人偶，欣賞幼稚園學生所製作嘅女兒節公仔，感受女兒節嘅氣氛。

#    「梅之祭」限定料理

(nanreku.jp)

    賞梅嘅同時都要填飽個肚！南樂園特意為「梅之祭」製作咗以「梅雨季」為題嘅定食，而且仲要係今次嘅「梅之季」限定！要食「梅花」定食，就一定要去南樂園嘅「梅之祭」活動，係梅花樹下細味「梅之料理」。

    係依個梅花盛開嘅季節，到南樂園參加「梅之祭」，細賞梅花美景，並參加「燒福餅」同「梅花種子播種大會」等等嘅活動，好好感受日本嘅「梅雨季」。

「梅之祭」

日期：2019年1月26日至3月3日
時間：09：00至17：00
地點：南樂園 (愛媛縣宇和島市津島町近家甲1813)
入場費：310円(大人)  150円(小學及中學生)    團體8折(20名以上)