仲有兩星期就到情人節啦,你地準備好節日必備嘅朱古力未呢?日本便利店LAWSON旗下嘅甜品品牌ウチカフェ(Uchi Cafe)就以「濃深sweet」(濃深スイーツ)為主題,推出一系列濃厚朱古力甜品。當做情人節朱古力送俾戀人,又或者係友情朱古力送俾親友就啱哂啦!
濃深生チョコロールケーキ (濃深生朱古力瑞士卷)
Lawson標準價格 210円(連稅)
Uchi Cafe嘅瑞士卷向來都大受歡迎,趁住情人節品牌就推出咗朱古力口味。瑞士卷係用用法國產嘅朱古力同埋忌廉製成,正中就以生朱古力作為裝飾。濃厚朱古力嘅甜度啱啱好,令人食極都唔生厭!注意關東地區嘅NATURAL LAWSON係無賣呢啲甜點咖。
濃深生チョコ大福 (濃深生朱古力大福)
Lawson標準價格 145円(連稅)
大褔中間包住濃厚香滑嘅生朱古力同埋朱古力忌廉,其中忌廉部分加入醅煎過嘅澳洲胡桃碎,散發堅果香氣之餘亦為大福加添口感,食落唔會只有單調嘅柔軟感覺。大福表面仲灑滿咗可可粉,成道甜點由內到外都充滿朱古力香。同樣,關東地區嘅NATURAL LAWSON係無賣呢啲甜點咖。
濃深チョコパフェ (濃深朱古力芭菲)
Lawson標準價格 295円(連稅)
芭菲以朱古力慕絲、朱古力海綿蛋糕、朱古力醬、朱古力忌廉以及生朱古力製成,由底至頂每一層都係用朱古力砌成!甜點最頂部份就用咗扁桃同埋朱古力碎粒做裝飾,食落會有香脆口感。注意關東地區嘅NATURAL LAWSON、沖縄地域嘅LAWSON係無賣呢啲甜點咖。
生チョコのもっちりとしたどら焼 (生朱古力黏糯銅鑼燒)
Lawson標準價格 170円(連稅)
銅鑼燒之間夾住咗生朱古力、朱古力奶油呢兩種忌廉,食落有黏糯嘅感覺,混合濃烈朱古力後味道相當和諧。而銅鑼燒嘅煙煙韌韌口感喺日本女性間好受歡迎咖!