蘇格蘭單一麥芽威士忌 The Singleton of Glen Ord「蘇格登感官品酩體驗館」近日將升格開設「蘇格登大師班」，今次活動將會透過多元化酒食配搭主題爲客人定期送上不同體驗，包括風乾火腿、中菜風味、甜品、滷水及朱古力配搭。

每一個主題都為客人題供最合適嘅蘇格登威士忌作搭配，帶出威士忌與美食相輔相成嘅效果。現於網上註冊即可免費參與大師班，令你日後品酒技巧可以更上一層樓。

2月4日至2月10日: 威士忌與中菜風味
臨近歲晚，以蘇格登威士忌配搭不同中式風味菜就最合適不過。傳統XO醬中嘅微辣咸香，配以威士忌嘅微辛口感，能令食物與威士忌嘅味道得以提升。蝦乾嘅咸香及海水氣息，融合喺威士忌中會令味道相當益彰，更均衡柔順。而磯燒元貝中嘅鮮甜甘香及微碳香，與蘇格登18年威士忌則非常匹配。

2月11日至2月17日：威士忌與甜品
威士忌嘅甘香與甜品嘅配合，往往係餐後最佳配搭。色味俱佳嘅甜品，配上威士忌嘅醇香，必令晚宴秀色可餐、唇齒留香，並得以畫上完美句號。

2月18日至2月24日：威士忌與風乾火腿
意大利火腿、西班牙火腿、辣肉腸等火腿都係膾炙人口嘅佐酒食品。火腿帶有油香、咸香，兩種元素會使威士忌更芳香馥郁，令香氣與口感得以提升。當蘇格登12、15 及18年的威士忌配上香甜嘅堅果及油香的火腿，將會令威士忌風味格外昇華。

2月24日至3月3日：威士忌與滷水食物和朱古力
滷水可令食材嘅原味提升，當配上威士忌能令食物嘅油膩感大大減低，使食物味道更易突顯。威士忌配以朱古力嘅濃香綿滑，令口感更加豐富柔滑及香醇馥郁。以焦糖朱古力配搭，微微嘅鹹香甜美會令蘇格登威士忌中嘅焦糖、雲尼拿風味、果乾香氣慢慢呈現。

農歷新年將至，蘇格登更為大家準備好新春特別節目。蘇格登將與本地書法大師馮兆華，華戈與其徒弟Rita合作，於31/1 -4/2 親臨蘇格登體驗館，為入場購買美酒嘅客人即席揮筆親筆寫上揮春，送上最真摯嘅賀年祝福語句。

活動資訊 
2019 年 2月 4 日至 2019 年 3 月 3 日「蘇格登大師班」工作坊利園三期獨家呈獻 
星期一至五 下午6:15-8:15 每30分鐘一節
星期六至日 下午3:15-8:15 每30分鐘一節
活動登記: http://viewincreative.com/wwwccc/ 
活動地址:銅鑼灣利園三期1樓，126-128號舖