情人節就到啦！有無諗過同另一半去日本過浪漫情人節呢？今個情人節，東京巨蛋飯店Bar 2000將會聯同TeNQ舉辦情人節同白色情人節慶祝活動—「Love with TeNQ」，等你同你嘅伴侶係雞尾酒嘅魔法下將感情㫒華，甜足一世！

#    來自宇宙的雞尾酒

(tokyo-dome.co.jp)

    「Love with TeNQ」將會以宇宙同朱古力作為今次嘅主題，調製出STAR PARTY、
Etoile Blanche、Cosmo Berry同Snow Moon 4款獨特嘅雞尾酒。「宇宙」代表雙方長長久久，亦象徵何時何地；「朱古力」就代表住甜甜蜜蜜嘅愛情，加埋一齊就象徵住雙方無論何時何地都會永遠愛對方，日日都咁甜甜蜜蜜！

#    星空工作坊

(tokyo-dome.co.jp)

(tokyo-dome.co.jp)

    除咗享受雞尾酒之外，「Love with TeNQ」仲有限定嘅工作坊—「星空の工房campanella」同「パワーストーンで天体アクセサリーを作ろう」，比你同你嘅伴侶一齊參加，創造兩個人之間嘅共同回憶。「星空の工房campanella」係製作星空能量塔嘅工作坊，參加者可以根據自己嘅星座或者係鐘意嘅造型等，製作獨一無二嘅星空能量塔。而「パワーストーンで天体アクセサリーを作ろう」就可以製作猶如星空一樣，晶瑩剔透嘅水晶手鏈。

#    「本命」？「義理」？曲奇

(tokyo-dome.co.jp)

    相信大家都有聽過「本命」朱古力同「義理」朱古力。「本命」指嘅係你嘅心儀對象；「義理」指嘅係人情，代表對對方嘅感謝。係「TeNQ宇宙Store」，你可以用216円買到「本命」或者係「義理」曲奇，送比心儀對象又或者係你嘅朋友。

#    天體戀愛御籤

(tokyo-dome.co.jp)

    「御籤」係類似中國求籤之後所得到嘅「籤」。今個情人節，TeNQ將會利用太陽系嘅力量，只要花費100円，就可以幫你測出你嘅戀愛運！當中有太陽、月、水星、金星、火星、木星、土星、天王星、海王星同冥王星，一共10個結果。

    情人節，係戀人嘅節日，亦係雙方發展嘅關鍵時刻。「Love with TeNQ」睇中咗大家希望另一半無論何時何地都係自己身邊，選擇以「宇宙」為今次情人節同白色情人節活動嘅主題，見證一對又一對嘅愛侶「Love with TeNQ」。

「Love with TeNQ」

日期：2019年2月1日至3月14日
地點：東京巨大飯店 Bar 2000 / TeNQ太空館

工作坊詳情

「星空の工房campanella」
日期：2019年2月10日
時間：11：00至 16：00
地點：TeNQ イマジネーションエリア
費用：    700円

「パワーストーンで天体アクセサリーを作ろう」
日期：2019年3月10日
時間：11：00至13:00、14：30至16：30
地點：TeNQ イマジネーションエリア
費用：(稍後公佈)