輕井澤位於日本長野縣東部,好多日本人都會去避暑山莊渡假,非常之有人氣,連日本皇室都經常去輕井澤渡假呢!由東京搭北陸新幹線去輕井澤只需1小時,去東京玩安排一至兩日都非常合適呢!
係輕井澤,有歷史底蘊深厚嘅人文景觀,有文青最愛嘅美術館,亦都有浪漫嘅教會,仲有鬼斧神工嘅大自然美景!而且冬天嘅時候仲可以享受溫泉、滑雪玩樂,其他季節可以踩單車,沿住自己定好嘅路線用自己嘅雙腳踏出自己嘅輕旅行吧!
#輕井澤王子購物中心
輕井澤王子購物中心就係輕井澤站出口,,擁有217家店舖,共10個區域,不論你想買野、食野、行街、影相、睇風景都可以滿足你嘅需求,搭車黎輕井澤唔好錯過喔!
地址: 〒389-0102 長野縣北佐久郡輕井澤町輕井澤
交通: 輕井澤站南口步行1分鐘
電話:0267-42-5211
時間: 10:00~19:00(味之街內餐廳營業至22:00)
#輕井澤王子滑雪場
喜歡滑雪嘅朋友就一定要去輕井澤王子滑雪場,呢度係長野縣每年最早開始營業嘅滑雪場,擁有九部升降機、十種滑雪道,無論滑雪定係滑板都可以係度好好玩樂一整天!
地址:〒389-0102 長野縣北佐久郡輕井澤町輕井澤
交通:從輕井澤站南口出發步行10分鐘, 或在乘坐從輕井澤站到滑雪場的免費接駁巴士(接駁巴士時刻表)
電話:0267-42-5588
開放日期:2018年11月3日~2019年3月31日
滑道:5條初級道, 2條中級道, 3條上級道
門票:
1日券(營業開始~5:00PM) 大人5300日圓, 國中/高中生及老人4300日圓;
4小時券(購入之後四小時) 大人4800日圓, 國中/高中生及老人3800日圓;
2日券(不含夜間) 大人9800日圓, 國中/高中生及老人7800日圓;
3日券(不含夜間) 大人14000日圓, 國中/高中生及老人11000日圓;
夜間票(4:00PM~8:00PM) 大人1800日圓, 國中/高中生及老人1300日圓
#輕井澤石之教堂
輕井澤石之教堂係明治時期由基督教傳教士内村鑑三係「無教會思想」嘅基礎上建立嘅,係一個建築同大自然結合嘅藝術,石造拱門交互重疊,自然光灑係教堂入面,形成一種聖潔莊嚴嘅氣氛,真係超浪漫、超夢幻!唔怪之得石之教堂會成為全日本女性憧景嘅婚禮舉辦場地,因為真係太神聖、太靚啦!
地址:〒389-0195 長野縣輕井澤町星野
交通:中輕井澤站轉的士約5分鐘或步行約20分鐘
電話:0267-45-2288
時間: 9:00~18:00 (如在舉行婚禮則不可入內)
#輕井澤星野區域
係星野區域,你可以感受到濃濃嘅北歐風情,係呢度你可以係露天嘅星野溫泉徹底放鬆身,或者係樹街小鎮搵一間咖啡店悠閒一個下午,冬天嘅時候仲可以去結冰嘅森林池塘溜冰場,其實幸福真係好簡單。
地址:〒389-0195 長野縣輕井澤町星野
交通:輕井澤站南口免費接駁巴士
營業時間:
星野溫泉|10:00〜23:00;
森林池塘溜冰場|10:00~16:00
門票:
星野溫泉大人|1300日圓, 兒童750日圓;
森林池塘溜冰場|大人1800日圓, 兒童1300日圓
輕井澤天氣
由於地勢較高,比關東其他地區一般凍少少,冬季平均氣溫約零下7度到3度,春季平均氣溫約零度到十四度,夏季平均氣溫約十五度到二十五度,降雨較多,秋季平均氣溫約六度到十六度,出發之前要睇天氣帶夠衫喔!
由東京到輕井澤
東京站或上野站乘坐北陸新幹線約1小時10分(自由席5390日圓; 指定席5710日圓)
池袋或新宿乘坐西武高原快速巴士約3小時(2600日圓)