Brooks Brothers嘅Red Fleece系列將於今季再度強勢來襲。春季Red Fleece系列以傳統公路之旅 ── 前往南卡羅萊納州查爾斯頓的旅程作設計靈感，並以豔麗顏色及鮮明圖紋襯托，表達人氣公路景點嘅吸引之處。混合經典學院風格及時尚美學，全新Red Fleece將繼續展現系列沿有嘅知性及自信氣質，為大眾帶嚟驚喜。 春季Red Fleece係設計師向航海員致敬嘅作品，配合低調運動風，全新系列以鮮紅色、白色及藍色作為設計主調。條紋圖案及冷織紋理分別向運動員及航海員致敬。想脫離秋冬季臃腫，於春季打造小清新造型嘅女士可入手紅色短款雙排鈕釦風褸，無論旅遊或上班，富功能性嘅外套都係春季嘅不二之選。 Brooks Brothers將繼續推出專為上班族而設嘅時裝。各款西裝可以混合配襯，並與休閒嘅衣服互相搭配，具備優質功能性。雙排鈕西裝外套一直貼近潮流，海軍藍色調格紋女士西裝無疑係永不過時之選。此外，設計師積極喺設計中加入能將女性韻味昇華嘅元素，如富彈性嘅粉紅色棉質衣料、波爾卡圓點及碎花圖案等，以貫穿整個春季女裝Red Fleece系列。英倫風格紋束腰上衣配搭褲子以別緻而時尚嘅方式重新詮釋永恆。春季女裝Red Fleece系列昇華固有休閒風格，優雅嘅蕾絲連身裙以及實用嘅毛衣外套，都適合任何場合穿著。