「TeaWood Deluxe」係首間茶木∙台式休閒餐廳聯乘陀飛輪鐘錶品牌「萬希泉」推出嘅高級台式西餐廳，座落於尖沙咀購物藝術館 K11，提供創意新派台西佳餚美食、精緻甜品及夢幻調飲。餐廳以當代優雅古典嘅設計風格，配合鐘錶齒輪及古董音樂盒藝術品，打造獨一無二貴氣浪漫環境。

TeaWood Deluxe 亦提供餐廳包場及貴賓房服務，以供舉辦活動及私人聚餐。餐廳包場活動可容納大約 80 人，價錢由$15,000 起；而貴賓房可容納大約 14 人，價錢由$1,800 起，價錢已包含餐飲服務。

為慶祝新分店開業，由 2 月 18 日至 4 月 11 日期間，凡惠顧 TeaWood Deluxe 堂食滿$200，即可享「威士忌三杯雞」半價優惠(原價$108)；堂食滿$400 則可免費獲贈 Mocktail 一杯 (原價$65)，每日供應各 30份，優惠受條款及細則約束。

主打菜式

12 小時慢煮牛肋骨台式手作麵 (每日限定十碗) $328
低溫 65℃慢煮美國原條牛肋骨 12 小時，再香煎兩面表面至焦香。牛肋骨以紅酒、千里香、香草等多種香料醃製，使牛肋骨幼嫩多汁，外脆內軟。而湯底保留正宗台式風味，以牛骨、花椒八角、醬油及蔬菜熬製，濃郁而不油膩，每口皆充滿牛骨精華，入口清爽不油膩。再配上由自家工場每日新鮮製作嘅手作麵條，煙靭掛湯，回味無窮。

酥炸排骨西班牙橡果豬肉燥飯 $138
酥炸排骨採用英國保濕豬製作，一般豬肉煮熟後肉質大多偏乾偏硬，而保濕豬則利用特別保濕技術，可保留豐富肉汁不流失，肉質更鬆軟，口感更嫩滑，肉味更濃郁。傳統台式肉燥飯上更鋪上西班牙橡果豬肉，西班牙橡果豬天生喜歡吃橡果，令豬肉帶獨特芳香，肉味濃郁滿瀉而不臊，橡果更含豐富油份及蛋白質，肉質肥美軟腍。伴上使用台灣受歡迎的台稉 9 號米煮成的白飯，具有獨特香 Q 口感，圓潤飽滿，散發陣陣清甜米飯香。

威士忌乾炒三杯雞 $108
三杯雞係台灣地道菜，傳統台式三杯雞製法於烹調過程中會加入一杯醬油、一杯麻油、及一杯紹興酒，而我們一改傳統做法，將紹興酒改為以香醇嘅威士忌烹調雞翅。威士忌會較烈口，製成嘅三杯雞酒香味較濃，三杯雞上枱時再以威士忌點火，使三杯雞更濃郁惹味，雞塊表面香脆，口感嫩滑。

燒美國肉眼扒(10oz)配台式沙茶醬 $258
選用美國肉眼扒，貪其嫩滑肉味又濃郁，脂肪比例均勻。用高溫把牛肉燒烤，極速鎖緊肉汁，每口都感受到豐富肉汁從四面八方湧出，入口帶微微焦香。最特別嘅係提供兩款醬汁，自家調製西式燒汁及台灣沙茶醬，沙茶醬甜味輕較鹹，更帶有蝦乾氣味，牛肉沾一口香氣四溢嘅沙茶醬提升口感層次，感受台西混合的獨特風味。

MTW 黑糖珍珠舒芙蕾班戟 $88
即點即製嘅舒芙蕾班戟，鬆軟香綿並富有空氣感。班戟內填入香滑嘅吉士忌廉，整個班戟則淋上自家製鹹香濃滑嘅芝士奶蓋，再加上台灣進口黑糖及自家製煙煙韌韌嘅珍珠，一鹹一甜衝擊味蕾，更可選配抹茶或香草口味冰淇淋。

氮氣人蔘烏龍茶 $54(300ml) $78(500ml)
煮好人蔘烏龍茶後，將氮氣打入飲品中，氮氣會喺低溫高壓下溶解於茶飲裡，並產生細緻泡沫。與一般茶飲相比，氮氣茶增添清新醇厚嘅口感，頂層嘅奶白泡沫入口更滑順綿密，保持茶香並增加層次感。氮氣於茶中起咗保鮮作用，使第一口到最後一口茶嘅口感與品質一致。而選用嘅台灣人蔘烏龍茶係烏龍茶嘅一種，製作茶葉時加入香濃嘅蔘粉，令沖泡後散發出烏龍嘅清香及淡淡蔘味，入口甘甜香醇，生津潤喉，飲後餘香迴蕩於喉頭久久不散。

活神 $65
以「萬希泉」鐘錶 Dynamic 系列為概念，於飲品頂層鋪滿香甜草莓有如花朵盛開，以展現活力動人嘅美態，口感酸甜清新。