想維持身材嘅話,喺飲食上就要時刻保持驚惕,避免脂肪日積月累而破壞完美身型,所以養成良好嘅用餐習慣尤其重要!一齊睇下外國嘅營養師推介邊幾款飲食方式,幫助大家控制熱量攝取。
#選用健康小食
喺節食減肥期間,唔少人都會選擇以堅果小食棒去增加飽足感,呢啲小食看似健康,但內裏含有大量糖分,令你不經不覺間增磅。所以喺選擇返比較天然嘅食品,例如堅果或者黑朱古力,就唔會吸收過多卡路里啦!
#少食零食
大部份人喺減肥時將正餐嘅食量大減,因而喺兩餐間隔感到肚餓,忍唔住開始食零食止餓。但小包零食嘅熱量都已經比得上正餐嘅一大半,結果就會得不償失。所以大家都係正餐食返多啲,唔好食零食啦!
#纖維取代澱粉
減肥期間大家都會戒澱粉,好多時都會面對飽足感不足嘅問題。用膳食纖維去代替澱粉就可以增加飽足感,同時控制熱量吸收。藜麥、青瓜麵等等都係唔錯嘅選擇。
#養成下廚習慣
工作忙碌嘅都市人習慣到街上用餐,但餐廳餸菜高油鹽糖,好易攝入過多熱量。所以最安全都係親自下廚,除咗可以控制調味料份量之外,亦能有效規劃食量。
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like