雖然仲未到櫻花盛開嘅季節，但日本已經開始推出各種以櫻花為題嘅餐目，等大家可以快一步感受春日氣氛！西武食品館就展開「櫻花祭」，推出咗各種以櫻花粉色及清新嘅綠黃色為主調嘅春季甜食，種類超級豐富！小編就特意揀咗幾款同大家分享～

櫻餅祭　直至３月３日（日）

鎌倉五郎/ひとひら桜餅（１個）１９４円　販賣至4月中旬
柔軟嘅薄皮以蕨粉燒製而成，內裏包住紅豆餡，而表面就用咗鹽漬八重櫻作裝飾～粉色外型令人聯想到温煦嘅春日。

春日銅鑼燒祭 直至３月３日（日）

ふるや古賀音庵/餅のどら焼き（桜）（１個）１９５円　販賣至4月上旬
呢款季節限定燒餅表面燒至金黃，由中間切開時，可以見到內裏放滿咗粉紅櫻花餡料！

春日甜食

叶匠寿庵/花呼福（桜）（１個）２１６円　販賣至4月上旬
呢款甜品仿佛將櫻花花蕾帶上餐桌，粉透嘅和菓子中包住櫻花花瓣，非常可愛。而陣陣撲鼻嘅花香，將春天櫻花怒放嘅景像帶到大家眼前。

銀のぶどう／さくらパイ（１箱、６枚入）５４０円　販賣至4月上旬
呢款脆餅以櫻花花瓣嘅外型為靈感，散入充滿櫻香嘅葉片，加上發酵牛油燒製而成。聞起嚟除有帶有花香，亦有牛油嘅香濃氣味～

會期：直到３月１４日（四）　
會場：西武食品館地下１・２階＝各賣場