想要成功瘦身的話,就當然先要了解邊種運動有更好嘅燒脂成果啦!人體嘅肩胛骨部分佈滿咗褐色脂肪細胞,而呢啲細胞對於燃燒脂肪具有極好嘅效果。所以肩胛骨運動就係不可或缺嘅燃脂活動。另外,呢種運動亦可以幫忙收緊背肌,令身體線條更加突出!
一位日本瑜伽教練指出,肩胛骨與胸部肌肉相連,做肩胛骨運動就可以令相帶部份適當放鬆,確保胸口四周血液、淋巴循環流通。此外,胸口淋巴阻塞亦會影響到鎖骨嘅淋巴,令到老廢物質積喺鎖骨,引起水腫問題。
第一式:
雙腳張至與肩膀相同寛度,將雙手放於大腿位置。然後進行深呼吸,於呼氣時將左肩向下壓,面部就朝向右邊。保持姿勢10秒,然後就反方向重覆動作。完成左右兩邊為一組動作,每次進行十組。
第二式:
雙腳張至與肩膀相同寛度,保持直立姿勢,將雙手向後方伸直,再將左右手掌合實。緩緩將雙手向上提高,直至感覺到肩胛骨收緊。維持動作10秒,再保持伸直姿勢放低手臂,之後再重覆動作10次。
只要每日都堅持做呢兩種肩胛骨各10次,就可以令身體嘅燒脂速度進一步提升,並且達到收背嘅效果!
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like