大家對刷牙習以為常，唔好睇小呢個習慣呀，因為刷牙唔單只可以做到口腔清潔嘅效果，仲有效維持心臟血管健康！韓國研究發現，每日刷牙3次或以上，再養成每年洗一次嘅習慣的話，就可以減低患上心血管疾病嘅機會。
首爾大學牙醫學大學院嘅朴申英教授與盆唐首爾大學醫院循環内科嘅姜時赫教授組成研究團隊進行研究，佢地喺40歲以上、於健康保險工團進行過健康檢查約24萬名韓國市民中，抽取平均值進行9.5嘅觀察及調查。
今次研究發現，健康嘅刷牙習慣可以預防心血管疾病。每日刷牙3次或以上，又或者係每年洗一次牙，就可以令患上心血管疾病嘅機會大減，其中定期洗牙更係可以令患病機會減至14%。
教授指出，細菌可於短時間內於口腔形成菌膜，導致患上炎症嘅機會增加。而每日使用正確嘅方法刷牙，就可以喺牙石形成之前將其刷得乾乾淨淨。而定期進行洗牙就可以清除牙石，令口腔細菌直接入侵血管嘅機會大減。
所以大家一定要重視刷牙呢個習慣，好好清潔牙齒之餘，亦可以保護好自己嘅心臟！
Tags: Homita愛健康
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
