各位有無把握秋冬時間,努力瘦身,好等夏天時可以展露身材呢?今次小編就收集咗四種超簡單嘅瘦小腹方法,只要大家每日堅持做,就可以減走腰部脂肪,揾返條小蠻腰出嚟!
#早晚飲蜜糖水
喺起身嘅時候,飲一杯蜜糖水就可以促進腸道蠕動,有助排便。而晚餐前飲一杯,就能夠增加飽足感,從而避免過量進食。另外,蜜糖水有美顏嘅功效,可以令皮膚變得更加白晢,一舉兩得。
#下午食乳酪
乳酪內有豐富嘅益生菌,可以幫助腸道蠕動,舒緩便秘問題。既然宿便能夠被排出,就自然令腹部唔再脹起。由於乳酪當中含有糖份,所以最好都係喺下午進食,以免晚上攝取過多糖份。
#多作腹部按摩
女士們都有煲劇嘅習慣,其實大家應該好好利用呢段時間,利用雙手為腹部進行按摩。咁做不但可幫助排便,更係有瘦身嘅作用!
#偶爾飲齋啡
齋啡中嘅卡路里含量較低,而且無糖份,更有助排便及減肥,並解決常見嘅水腫問題。雖然看似益處多多,但大家千祈唔好日日都飲呀!因為飲純咖啡係好傷胃咖,所以都係間中飲下就好了。
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like