香港一年一度之藝術月即將來臨，巴塞爾藝術展（Art Basel）亦係每年焦點之一。適逢世界各地藝術愛好者雲集，時尚品味代表人物郭志怡小姐特意邀請比利時殿堂級室內設計大師Gert Voorjans，於三月下旬替位處置地廣場太子大廈頂層嘅知名食府SEVVA，添上充滿活力與色彩嘅藝術氣息，在其全面翻新工程前，寫下又一美麗篇章。
自2008年SEVVA開幕以嚟，藝術一直係其核心元素之一。餐廳內藏有媲美博物館級別嘅藝術品，當中包括以拍攝大型照片聞名國際且榮獲「2018年索尼世界攝影大獎傑出貢獻獎」之德國攝影大師Candida Höfer之作品，以及有「當代藝術搖滾之星」美譽之巴西藝術家兼攝影師 Vik Muniz所創作嘅多媒體藝術結晶品。
郭小姐憑住多年主理高級時裝的經驗，成功將SEVVA打造成一個高級、優雅生活嘅代名詞。為咗接待一眾巴塞爾藝術展香港展會嘅貴賓，佢將以煥然一新嘅SEVVA LOUNGE，款待一眾藝術界嘅持份者。
郭小姐與Gert Voorjans嘅相識可追溯到1995年，當時郭小姐為剛成立嘅JOYCE Group擔當重要角色，更與Gert Voorjans合作設計JOYCE於香港及上海嘅多間旗艦店。適逢SEVVA踏入11周年，二人將再次合作。Gert Voorjans 會以與Jim Thompson 合作而製嘅布料，打造一個充滿春季元素、以園林為主題嘅SEVVA LOUNGE。
內裡種種擺設，由座墊及傢俬到燈光及牆壁都會以具亞洲魅力與質感嘅布料所佈置。創作不但融合多層次顏色對比嘅圖案，異國情調嘅花卉、以及以珊瑚點綴嘅迷人水底暈影，Gert Voorjans最為喜愛嘅幽默及風趣元素亦蘊含於創作之中。透過精密地運用質樸嘅格子布料、整齊橫紋及純色布料，配上瑰麗嘅絲帶、鮮豔的顏色，恍如Henri Matisse 及 Sonia Delaunay 於藝術界所留下嘅歷史巨作。
Gert Voorjan於闡述今次合作時指出SEVVA係一個與良朋夥伴聚會嘅理想地點，其優勢更在於佢嘅天台花園；我們可以打造一個兼具日與夜嘅氛圍。事實上，今次創作嘅故事都係圍繞自然與花卉，展示出春天與藝術嘅動態。
郭志怡小姐 與Gert Voorjans 創作嘅SEVVA LOUNGE將於3月正式登場，SEVVA亦會於今年夏天起進行數月嘅翻新工程；並計劃於2019年秋季以嶄新面貌再次登場。
SEVVA
地址: 中環遮打道10號太子大廈25樓
