即使已經醖釀出睡意，但都頑強地瞓喺床上碌手機，到咗第二朝就眼瞓到心中暗自發誓要早瞓…其實呢種輪迴式嘅夜瞓行為好大機會係由「晚睡強迫症」引起，一齊睇下你有無中到呢幾個特徵啦！
廣州醫科大學附屬第三醫院精神科主任醫生周伯榮指出，打工仔喺白天工作繁忙，喺放工後就想自由地做自己嘅事，然而時間不足，所以會傾向夜瞓。其實呢種表現都只係睡眠節律失調，但長期夜瞓嘅話就會令身體無法適應早瞓，咁就有機會係患上咗「晚睡強迫症」啦！
周醫生表示其實唔少「晚睡強迫症」患者都併有拖延症，心中總係要拖延到特定嘅時間，甚至精確某一分鐘先可以安然入睡。呢種精準度可以為患者帶嚟安心嘅感覺，與獲得精神上嘅獎勵具有極大嘅關係。
與此同時，拖延症患者會說服自己，「我打算聽日先處理呢件事」就係佢地嘅常用說辭啦！佢地會提出「時間壓力令自己變得更有創造力」呢一種理論，其實同樣都只係掩飾自己揮霍緊時間嘅言詞。
「晚睡強迫症」6大特徵
1.白天忙碌至完全無時間做自己嘅事
2.隨時隨地都可以瞓着
3.夜晚忙於碌FB、IG，煲劇打機，覺得時間唔夠用
4.即使決定要休息，亦會下意識開始碌手機
5.覺得夜晚做任何時都更加得心應手，靈感源源不絕
6.每日思緒徘徊於「今晚一定要早瞓」、「早瞓未免太浪費時間」
假如你90%以上都有中嘅話，就好大機會係患上咗「晚睡強迫症」啦！
Tags: Homita新鮮事
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
