傳統第一代金錢款塑膠豬仔錢罌嘅足跡即將再現遊客打卡位懷舊雜貨店朱榮記！九龍城廣場早前特別將「傳統第一代金錢款塑膠豬仔錢罌」極速神級還原，成功喚起一股「換豬熱」及港人集體回憶。九龍城廣場現將100隻復刻版「傳統第一代金錢款塑膠豬仔錢罌」，以及復刻製作用之模具一併送贈朱榮記第二代老闆朱耀昌，助朱老闆繼續肩負傳承香港特有文化嘅使命。 

全力支持香港文化嘅九龍城廣場代表余杰恒表示，商場當初希望造一個百分百忠於原著嘅傳統豬仔錢罌，因此非常感謝朱老闆一口答應送贈其珍藏之碩果僅存原著中號「傳統第一代金錢款塑膠豬仔錢罌」古董，予商場直接倒模製作復刻模具，朱老闆更幫忙聯絡隱世香港原生產廠家二代黃文銳提供寶貴意見，加上以傳承玩具製作為己任嘅玩具製作工程師麥惠光傾盡心力鑽研，同心協力克服製作過程中嘅種種困難，先可以令還原度及細緻度都非常高嘅復刻版順利極速完成。

一向力撐「傳統第一代金錢款塑膠豬仔錢罌」嘅朱老闆，一直堅持入貨至2014年停產，也沒有炒賣，按常價發售直至存貨售罄，為嘅係要傳承六、七十年代人們節儉及儲蓄嘅傳統美德，及維護我地嘅集體回憶。朱老闆同樣感激九龍城廣場為朱榮記兩代圓夢，而還原「傳統第一代金錢款塑膠豬仔錢罌」，特別訂製獨家復刻版予港人換領。

余杰恒表示非常欣賞及尊重朱老闆對維護「傳統第一代金錢款塑膠豬仔錢罌」嘅堅持及執著，當朱老闆一看到天衣無縫嘅復刻版完成品即感慨萬千，心情既興奮又忐忑，擔心商場「換豬熱」一過，人們又會再次將傳統塑膠豬仔錢罌遺忘。

為答謝朱老闆當初慷慨仗義送贈古董，九龍城廣場特意預留100隻復刻版「傳統第一代金錢款塑膠豬仔錢罌」，連同復刻模具一併送贈朱老闆以作留念，並希望佢將來能夠製作生產售賣呢款盡得神髓嘅復刻版豬仔錢罌，繼續傳承香港特有以塑膠豬仔錢罌儲蓄嘅傳統文化，將香港人嘅回憶延續下去。

朱老闆得悉能與豬仔們「團圓」後非常開心，於移交儀式上幾近喜極而泣。得到莫大支持，朱老闆猶如打咗支強心針，承諾將呢個以塑膠豬仔錢罌儲蓄嘅傳統香港文化繼續傳承，向到訪朱榮記作深度體驗遊嘅旅客推廣香港文化，並教育我地下一代儲蓄理財概念。