由享譽全球嘅David Thompson 主理嘅泰國菜餐廳Aaharn，最近正式宣布委任Boonyapat Pariyasakul（下稱Dtoy）為餐廳行政主廚。餐廳亦將新增午市時段，等客人能夠不論白晝或黑夜，都可以享用只此一家嘅高級泰國菜。客人亦可浸淫於其酒吧Armoury當中，感受不同凡響嘅泰菜體驗。

提起泰國菜，嚟自澳洲嘅David Thompson絕對係菜系首屈一指嘅權威。佢曾獲頒「亞洲50最佳餐廳」嘅「終生成就獎」，以及北歐《白色評鑑》頒發Global Gastronomy Award。身為Aaharn嘅靈魂人物，佢以身作則，於Aaharn及Armoury做出與別不同嘅新派泰國菜，既為客人帶嚟只此一家嘅空前體驗，亦致力提升泰國菜嘅整體水平，以及拓展菜系嘅界限。

Aaharn最近成功邀得行政總廚Dtoy加入團隊。Dtoy曾於多個國家工作，擁有超過14年嘅高級餐飲烹調經驗。Dtoy嘅加盟，令團隊如虎添翼，David亦予以厚望，相信佢能為團隊帶嚟新靈感，令呢間位於大館嘅餐廳繼續發光發熱。

David充滿信心地表示早於餐廳開業前，就已跟Aaharn團隊合作無間，因而於開業以嚟成功累積唔少好評。最近有新團員加入，佢相信大家對美食嘅熱熾能令佢地團結一致，同心協力，擦出更多耀眼嘅火花。

Dtoy烹調泰國菜嘅經驗相當豐富。現時入行14年嘅佢，不但曾於澳洲及泰國多家頂尖餐廳工作，包括被列為世界50大餐廳之一嘅曼谷泰菜餐廳Nahm，更曾於外交及聯合國相關場合中多次獻技，烹料知識及實力均無庸置疑。佢擅長以創新嘅處理方法，演繹各種傳統泰菜，正好與David嘅烹調哲學不謀而合。因此David寄望，Dtoy能為Aaharn注入一股強大新動力。

由2月26日開始（逢星期二至六），Aaharn將供應午市套餐。每位只需港幣198元（兩道菜）至港幣228元（三道菜）（不包括10％服務費），客人便可以品嚐多款令人耳目一新嘅新菜式，包括傳統泰式咖哩、大蝦羅勒沙律等，款款滋味誘人。主廚積極運用各種充滿異國風情嘅食材，例如香蕉花，不但令客人可以享受別具一格嘅泰國風味，同時亦昭示Aaharn宣揚泰國古菜嘅獨到手法與決心。

夜幕低垂，換上特別時令晚市餐牌，繼續顯示David在泰國菜系嘅廣博涉獵。怇緊隨季節步伐，用上當地各種新鮮嘅食材，並配以不同區域嘅料理手法，因而讓餐牌菜式能夠不時轉換，予以客人源源不絕嘅新鮮感。David做菜以真材實料聞名，同時致力保留傳統泰國菜嘅神髓。客人定必能夠於晚餐中輕易感受David對泰式古菜嘅崇敬、對時令食材嘅珍重，仲有對烹調嘅無限熱誠。 

Aaharn及Armoury位於前中區警署建築群「大館」嘅槍房大樓，不但肩負推廣泰國古菜嘅任務，同時亦矢志成為新派泰菜嘅楷模。創新獨到嘅菜式，加上場內嘅高級藝術品及精湛裝潢，相信定能為客人帶嚟難以忘懷嘅泰菜新體驗。客人亦可以先行到Armoury酒吧，享用各種精選葡萄酒、創新雞尾酒、生啤，配以由Aaharn廚房製作嘅新派酒吧小吃，提升整個用餐體驗。

喺享用城中的世界級泰菜同時，客人不難發現，自己被多件由Ben Brown Fine Art策展嘅作品包圍，例如Vik Muniz、Hiroshi Sugimoto等，及至由「傑出亞洲藝術獎」嘅巴基斯坦籍得獎者Halima Cassell的矚目雕塑「Acapella」，令用餐環境更富韻味。配合緊貼時令嘅地道泰國菜，可見Aaharn成功結合美食與藝術，奠定饕客心目中無可取代嘅位置。