Tommy Hilfiger 隆重呈獻 TommyXZendaya 2019 年春季聯乘系列。該系列由標誌性美國設計師 Tommy Hilfiger 與女演員暨 TOMMY HILFIGER 女裝全球品牌形象大使 Zendaya 合作設計，於 2019 年 3 月 3 日開始發售。

首個 TommyXZendaya 系列表揚 1970 年代嘅標誌性女強人，頌讚那年代舉行嘅「凡爾賽保衛戰」時裝騷，以及雲裳天橋上嘅美國模特兒所作出嘅有力宣言。

系列造型勾劃出堅強兼自信滿載嘅風格，剪裁結構有序，款式包括高腰牛仔褲及套裝，並採用豐富嘅奶白色、海軍藍及酒紅色調，以及「Z」和「T」英文字母刺繡綴飾。彩虹色調嘅條子及受黃道星座啟發嘅多色印花圖案，為系列增添點點淘氣玩味，當中包括婉柔裹身長裙及華麗色丁緞布恤衫。

經典嘅定制套裝以現代風格重新設計，闊腳長褲與修腰外套，以酒紅及奶白色格紋重塑經典款式。系列擁抱昔日懷舊之情，同時展望未來，將 Zendaya 嘅獨特自信風格與品牌嘅經典美國型格基因融成一體。

TommyXZendaya 2019 年春季聯乘系列將於 TOMMYNOW 體驗時裝騷首度公開亮相，時裝騷於 3 月 2 日，即法國時裝週期間舉行。在時裝騷展示的款式將即時在超過 70 個國家的購物渠道發售，包括 TOMMY HILFIGER 店舖及 tommy.com、指定批發夥伴及社交媒體。