今次介紹一個於元朗舉辦嘅週末市集，場地位置係元朗錦上路旁邊一個私人農地，以小型嘉年華形式舉辦嘅戶外活動。主辦單位將市集名為「鬆鬆Soul」，顧名思義想大家放鬆一下心情，感受生活唔同方式嘅體驗。

户外市集選址位於錦上路綠活城鄉，綠活城鄉係一個共享農場，場主張先生係一個經驗豐富嘅農夫，而活動舉辦嘅地方係一片正在休息嘅農地，現場環境清幽，面向大帽山嘅風景，心矌神怡。

鬆鬆Soul户外市集有五十多個攤檔，市集攤檔包括天然水晶、人手編織飾物、花草茶、手工護理、星相塔羅、環保物品、手工製作品、咖啡等等。

而市集嘅另一邊，會進行多個體驗工作坊與表演，包括：環保玻璃瓶多肉植物製作、天然身體彩繪、即場大型塗鴉製作、水晶球體驗工作坊、親子茶果班等。當中最受觀眾查詢嘅係聲頻治癒體驗，由頌缽銅鑼嘅聲音尋找屬於自己嘅頻率，真正從內到外排出負性能量，以作平靜心境嘅功效。

另外，主辦單位呼籲參與人士自備餐具與器皿，希望大家可以養成自備餐具嘅習慣，今次活動採用嘅物資亦會採用可回收物資，以減低廢物棄置。最後，鬆鬆Soul希望能夠集結不同文化參與本活動，藉此交流並認識大家嘅文化。

鬆鬆Soul戶外市集
日期：9-10 MAR 2019 (Sat-Sun）
時間：1pm-9pm (Sat), 12pm-5pm (Sun)
地點：Lohas farm綠活城鄉@錦上路站C出口