對於想瘦身嘅懶人嚟講，最好當然係唔洗做任何運動都可以瘦落嚟。係咁嘅話，「黑咖啡瘦身法」就係一個唔錯嘅減肥方法啦！只要透過攝入有效提升代謝率嘅食物，就能夠達到輕鬆減磅嘅效果。
黑咖啡中含有利尿嘅成份，更可以刺激交感神經，加快人體嘅新陳代謝，並且促進腸道蠕動，幫助身體消化。此外，咖啡因係中樞神經興奮劑，能夠提升腎上腺素嘅分泌，令脂肪分解得更有效率，配合飲食控制就會有唔錯嘅瘦身效果。
節食時面對嘅最大難題，就係不時湧現嘅飢餓感。飲用黑咖啡就可以降低空腹嘅感覺，令大家喺減少食量嘅時候亦唔會過於難捱。最重要嘅係，黑咖啡含零卡路里，能夠避免飲用時攝入過多熱量同埋糖份。
使用「黑咖啡瘦身法」時唔好選用冰凍嘅黑咖啡，因為低温飲料會令體內温度降低，減慢新陳代謝，影響減肥進度。另外，大家喺飲用黑咖啡時要注意份量，每日飲用1杯就已經足夠。想有最佳瘦身效果嘅話，就記住飲無糖熱咖啡啦！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
