瞓覺佔據人生嘅一大部分，除咗能夠為精神充電，更加係女士們減肥路上嘅助力。喺深夜時，身體亦都會進行新陳代謝，幫你燃燒脂肪，而睡眠質素就係影響成效嘅關鍵。快啲學識以下3招，提升自己嘅睡眠質量啦！
#睡前沖涼
最佳嘅助眠方式就當然係喺瞓覺之前沖一個熱水涼啦！經過一日嘅工作後，沖熱水涼就能夠令你鬆開崩緊嘅神經，精神放鬆之後，就自然更加容易入眠啦。
#減少晚餐份量
夜晚果餐唔好食得太豐富，因為會增加腸胃嘅負擔，亦會減慢新陳代謝，令到睡覺時嘅消脂功效大減。而過飽亦會令腹部出現不適感，難以入眠。
#睡前飲牛奶
牛奶含有有色氨酸以及鈣，而呢兩種成份都有效安眠，令睡眠質素更好，瞓醒時亦會份外精神。此外，牛奶中嘅酪蛋白能夠幫你喺睡眠時增肌，並有加快新代謝嘅作用，令你可以瘦得更加快！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
