啱啱先食完正餐，但又忍唔到口開始食零食？無窮無盡嘅食慾令到體重瘋狂上升，假如想重掌控制權、維持身材嘅話，就不妨試下用下面呢3種控制食慾嘅方法啦！
#避免食用味精
人體脂肪率上升時，體內嘅「瘦蛋白」分泌亦會隨之增加，從而壓抑食慾、提升高新陳代謝。而味精會令身體對於瘦蛋白嘅敏感度下降，再多嘅分泌亦都無法減低食慾。另外，味精會令胰島素分泌上升，令你覺得肚餓。
#早上食薑
人體喺食薑後就可以更有效地產生熱能，減低飢餓感覺。而早上就係食薑嘅最佳時機啦！大家要留意，市面上嘅薑茶多數加入大量糖分，想控制熱量嘅話，最好都係自製薑水，只要喺保溫壺內加入薑片、熱水，焗10-15分鐘就大功告成。
#多飲水
人會產生飢餓感係為咗防止身體吸收不足養分，而水份亦都包含其中。因此飲唔夠水都會令身體產生飢餓感，令你誤以為自己需要進食。記住要每日飲8杯水呀！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
