走在日本街頭時，路上行人嘅身材都係以纖瘦為主，肥胖人士極為少見，而世界衛生組織嘅報告亦指出，日本係全球肥胖率最低嘅國家。除咗因為日本嘅飲食文化較為健康外，政府對於國民健康嘅重視亦起咗極大嘅作用。
日本政府早喺2008年嘅時候就推行《全體國民瘦腰計劃》，鼓勵全國一齊瘦身，並規定企業每年都要為員工進行身體檢查。
為咗減低患上長期疾病如糖尿病、高血壓等等嘅風險，40歲至75歲嘅員工腰圍係有所限制咖！男性唔可以超過33.5寸，而女性就要維持喺35.4寸內。
有部分企業更係於公司內增設健身房，等員工喺空閒嘅時間可以選擇做運動，保持健康體態。
大家都知道減肥最需要強大嘅動力作支持，所以亦有公司推出金錢獎勵計劃！如果超重嘅員工每成功減到1公斤，就可以獲得5000円禮券為獎賞。咁有吸引力就自然引得大家紛紛投入減重行列，有一位工程師就成功減走13公斤，帶走65000円獎金！如果香港都有咁好嘅減重計劃就好啦~
Tags: Homita新鮮事
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
