踏入三月初春，賞花季節尤其以櫻花嘅綻放最為人所傾慕，一整片粉色樹林伴隨著片片花朵飄落，景色相當美麗，櫻花由花瓣漸層粉色細緻滾邊，綻放到極致時花蕊嘅幻變色彩!  今個春季，M.A.C將櫻花盛開最攝人嘅色彩國度融入妝藝，粉嫩感櫻花妝容，令你喺漫天花海中盛放櫻花最美一鏡！

為令一眾超級妝迷更加投入櫻花盛放嘅季節，今次M.A.C特意用BoomBoomBloom 系列及其他M.A.C 皇牌產品，設計咗3款代表著不同品種嘅櫻花妝，令不同類型嘅女生都能夠喺呢三月以最美一面盛放！M.A.C 更邀請頭號 #MAC超級妝迷阿嬌（鍾欣潼）拍攝一輯美絕照片，展現最美嘅#櫻花妝藝！

要展現#櫻花妝藝，可以先從光澤剔透嘅底妝著手，就如一朵喺清晨早上，當晨露仲停留喺花瓣上盛放嘅櫻花。先用添上櫻花香氣嘅Prep+Prime Fix+妝前瞬間定妝噴霧為皮膚補充水份，做好妝前預備，再配上換上櫻花裝嘅M.A.C皇牌Lightful C Cushion效亮白氣墊粉餅就最好不過！LightfulC Cushion含有CORAL GRASS珊瑚草精華配方能為肌膚保濕鎖水，及即時均勻膚色，令皮膚散發光線，一個#零瑕光感肌就此瞬間完成！再配合其他BoomBoomBloom彩妝產品，襯出不同感覺嘅花瓣漸層妝！

#白櫻粉紅色花瓣漸層妝
妝容以最傳統嘅淡粉色櫻花為色調主題，並以初開櫻花為創作靈感，就如初次戀愛嘅少女一樣，十分浪漫！顏色方面可選用一系列淡粉紅色彩妝產品。眼影部份用到單色眼影Sushi Flower作底色，再用Dazzleshadow Liquid嘅Love Yourself添上淡閃粉，帶出水嫩感。胭脂可用到BoomBoomBloom 系列中的Fleur Real淡粉色櫻花限量版光影粉餅，輕輕一掃，自然光感頓時提升！

最後，唇妝則可用到BoomBoomBloom系列中的Wagasa Twirl，一枝藍調裸粉紅珠光色唇膏，令整個妝容更添少女味道！

#淡橘櫻粉色花瓣漸層妝
淡粉色嘅櫻花固然美麗，但可愛女生點會只鐘情於粉紅色？一個#淡橘櫻粉色嘅櫻花妝就最適合具備文藝氣息嘅女生。運用兩種單色眼影Rule及Paradisco，先為妝容定下自然又優雅嘅淡橘色調。胭脂則可使用到皇牌空氣感胭脂Dainty，跟主調色作輕微對比，猶如櫻花花瓣嘅漸層效果般自然融合在一起。最後唇妝則可用到早前大熱嘅Powder Kiss絲霧唇膏Mandarin O色號，用手指將順滑粉狀唇膏輕輕推開，營造自然粉嫩嘅漸變唇妝。

#玫紅櫻花色花瓣漸層妝
玫瑰色櫻花比較罕見，叫人一見難忘。就如一位成熟姿態嘅女生，令人目不暇給。呢個妝容以盛放中嘅玫紅色櫻花作創作靈感，在不同部位大玩漸層妝效，突顯盛放時的櫻花花瓣感覺。先用上櫻花限量版9色眼影組合中Dust Off 柔和米金閃粉色為眼蓋添上淡閃粉，再將啞光Kabuki Doll 梅紅色放在眼蓋尾位置加深輪廓，最後將珠光Kyoto Kitty 紅調古銅色添於眼頭及眼中間，為眼妝添上玫瑰櫻花嘅顏色，形成一個自然優雅嘅漸層眼妝。胭脂部份同樣使用到兩個胭脂製造漸層效果。

先用空氣感胭脂Gentle大範圍在面頰輕掃一層，再用BoomBoomBloom系列中Fleur Real淡粉色櫻花限量版光影粉餅在貼近鼻翼位置加重顏色。雙頰顯得自然透光同時滲出漸層嘅白裡透紅。最後，成個妝容嘅重點落於一個漸層花瓣唇。要輕易做到漸層嘅一個小秘訣，就是先用較深色嘅唇膏放在唇芯，再輕輕印開。運用此技巧配上BoomBoomBloom系列中兩枝對比較大嘅唇膏色號，先將Framboise Moi 紅桑子粉紅色放於唇芯位置，為漸層櫻花唇定下主調色，再於唇邊位置用上Hi-Fructease 粉紅珊瑚色作對比色，漸層效果更加著眼！

櫻花就嚟盛放啦，各位女生還不趕快學會3款櫻花妝藝，喺呢個戀愛季節令他一見心動！