由Green Is the New Black (GITNB) 主辦嘅The Conscious Festival，自2018年首次成功舉辦後，最近宣布再次回歸香港，並將以純素及零浪費為活動主題。活動專為對生活有覺知嘅巿民而設，等佢地可以藉著思考、生活、消費、工作及旅遊多方面做起，逐漸改善世界。

活動舉辦嘅目的，旨在鼓勵市民多踏出「綠色一小步」#LittleGreenSteps，提高對生活各方面覺知 #LiveMoreConsciously。今次活動節目豐富，入場市民可以參加充滿正能量嘅綠色市集（免費入場）以及啟蒙講座（需個別購買入場票）。此活動就如創意平台，本地及斐聲國際嘅綠色品牌、講者，以及對行業有正面貢獻嘅先鋒，希望能提高參加者嘅環保消費及生活意識。

Green Is the New Black嘅成立，目的係鼓勵市民坐言起行，投入綠色生活，改善環境，鞏固及加深與大自然融為一體嘅意識。活動屬一年一度嘅盛事，現時於新加坡及香港兩個亞洲城市輪流舉辦，並於亞洲獲得迅速關注。去年首次於香港舉辦，成功邀請到超過60位講者、70個亞洲品牌，並吸引超過4,500名入場人士，成績斐然。

今年香港嘅The Conscious Festival將於4月13至14日舉辦，一連兩天，啟發入場者各種綠色生活新點子。積少成多，只需攜手合力，就能夠效減少對地球造成傷害。活動歡迎所有市民到場，踴躍參與一連串精心安排嘅活動，包括講座、綠化推廣遊戲、現場音樂表演、舞蹈表演等，相信屆時不論業內人士、一家大小，定係獨身前來嘅人，都能不分彼此，樂在其中。

4月13至14日 - THE CONSCIOUS FESTIVAL
活動市場成功集結超過80個品牌攤檔，並將上演啟蒙講座、健康美食、有機飲料、互動藝術表演及遊戲，陣容異常精彩。現時活動預覽如下：

一系列講座
四場啟蒙講座的內容精彩緊湊，一連串的簡報演講、工作坊、實踐指導等，相信足以讓參加者用點滴改變生活。
生活 - 自發性及回復性 （星期六4月13日，早上10時50分至下午1時30分）
工作 - 變革性內部創業（星期六4月13日，下午2時20分至5時正）
資源 - 減慢資源消耗（星期日4月14日，早上10時50分至下午1時30分）
旅遊 - 外在和內在探索（星期日4月14日，下午2時20分至5時正）

今年講者名單陣容強大，當中有唔少係擁有嶄嘅思維業界先鋒。星級講者包括Green Monday創辦人楊大偉先生、Invisible Kitchen主理人Chef Tom，以及SAP Next-Gen 嘅Anita Varshney。

綠色市集
今年市集只引入純素友善嘅產品，在亞洲來說可謂史無前例。今年嘅純素美食將由屢次獲獎嘅飲食集團Maximal Concepts主理，款式讓人期待。市集將集結超過80個綠色品牌及20個非牟利機構攤位，屆時攤位將舉辦一系列嘅互動藝術表演及迷你工作坊，寓教於樂。本地樂隊及演藝人士亦將駐場助興，將現場氣氛推至頂峰。

著名嘅非牟利機構如Jane Goodall Institute、Conservation International、Green Monday及Redress，將會透過一系列遊戲及活動教育大眾。部份亞洲品牌更特意由外地到港參加是次盛事，包括來自新加坡嘅 MATTER Prints，仲有來自峇里嘅Beingsattvaa。

如欲知道更多有關講座及綠色市集資料，請瀏覽官方網站。

活動詳情
活動免費開放予公眾參與，然而講座將收取入場費用。今年GITNB會將部份收益撥捐至跟環保相關的慈善團體。