前身為「海利公館」嘅「1881 公館」，向公眾展示突顯出歷史建築風格嘅五個全新餐飲概念。每間餐廳各具特色，無論氣氛及菜式均別樹一幟，並貫徹「1881 公館」嘅品牌承諾，務求為到訪人士帶嚟意想唔到嘅互動體驗。

富悅軒為高級粵菜餐廳，以傳統烹調方法及本地優質食材手製精美點心。於充滿魅力嘅顯赫古蹟之中，富悅軒致力為賓客呈獻現代優越餐飲體驗。富悅軒嘅廚師以失傳嘅傳統手藝巧手製作點心並重現賓客眼前，招牌點心包括鮑魚雞粒酥及蠔皇鵝腳扎，必定令食客喜出望外。

富悅軒另提供一系列風味獨特嘅漁村風味菜式，並選用可呈現粵菜文化嘅材料，以及一系列本土品牌嘅自家手製調味料及乾貨，例如廖孖記腐乳、樹記腐竹以及本港漁民醃製嘅蝦膏同埋梅菜。

由馬廄改建而成嘅馬廄扒房，至今仍保留着原有建築嘅兩扇大型古色木門。搖身一變成為摩登餐廳及扒房，提供優質肉類和新鮮海鮮，絕對係肉食愛好者嘅用餐首選目的地。賓客於用膳時可欣賞四周翠綠嘅園林景致之餘，更可品嚐包括日本頂級 A5 和牛等來自世界各地嘅上乘牛扒，並從 40 種調味鹽之中挑選最適合嘅配搭，令味道層次進一步提升。其他特色佳餚包括慢煮 12 小時精製而成嘅法式牛清湯，以及用上原隻龍蝦熬製、味道濃郁嘅法式干邑龍蝦濃湯。

位於馬廄扒房上層嘅馬廄吧，係忙碌過後放鬆嘅好去處。除咗備有多款手搖雞尾酒、手工烈酒及葡萄酒外，酒吧亦提供嚟自全球 102 種的氈酒，堪稱全九龍最大收藏。重點推介包括嚟自本地嘅「白蘭樹下」氈酒，而賓客亦可以根據個人口味點選搭配嘅氈酒與湯力水。酒吧創作嘅雞尾酒有改良自意大利濃縮咖啡馬丁尼嘅 Teaspresso，另有充滿煙燻味嘅 Smoked Negroni，都係廣受歡迎嘅雞尾酒。餐廳注重各項細節，用於雞尾酒嘅香料亦係自家種植以及新鮮摘取。

長廊咖啡廳位於古蹟嘅主要大樓，賓客可於露台用餐時欣賞中央庭園嘅優美環境。充滿殖民時期優雅氛圍嘅餐廳，全日供應各式各樣嘅餐飲；特色下午茶、自家製糕點、輕食及與前水警總部歷史富有淵源嘅印度菜餚等，都令人食指大動。警長吧前身為水手及警察休憩的酒吧，現化身為休閒酒吧。 除咗提供手工啤酒及特別調製嘅雞尾酒外，仲有包括炸魚薯條等滋味酒吧小食。

1881 公館總經理李偉傑表示：「1881 公館很自豪為賓客呈獻一系列餐廳和酒吧。 此五個餐飲概念別樹一幟且環環相扣，務求讓客人在體驗各款佳餚的同時，深度探索這座地標建築的悠久歷史。」