「無飯情人及夫妻」已經成為香港近十多年嚟嘅普遍社會生態，但專家指出其實一頓飯可以拉近兩人距離。煤氣烹飪中心於早前委託生活易進行「你倆是否無飯情人？」問卷調查，訪問咗近700位香港情侶及夫婦，了解佢地嘅飲食習慣及入廚經驗，調查結果反映港人對學習烹飪嘅興趣濃厚，而且認同烹飪係增進兩性關係嘅其中一個重要因素。

而煤氣烹飪中心於早前所推出嘅「好老婆烹飪証書課程」反應極為熱烈，反映大眾普遍認同「烹飪是好情人特質」嘅觀點。有見及此，煤氣烹飪中心決定加推「好情人烹飪証書課程」，協助一眾男士及女士成為「入得廚房，出得廳堂」嘅好情人，並於今日舉行「好情人烹飪証書課程發佈會」。

香港中華煤氣有限公司零售市務及營業總經理王佩兒女士致辭為活動揭開序幕，她提及煤氣烹飪中心至今已有超過40年歷史，為不同年齡人士提供不同程度嘅明火烹飪課程，由幼童、年輕人至長者，服務都一應俱全。加上以互動方式教學，務求令大家由基本烹調知識以至較深入嘅烹調秘技，均可按自己嘅興趣及進度，持續提升廚藝之餘，更可以享受明火煮食既樂趣。

調查發現超過八成半男性喜歡另一半下廚（86%），而超過七成男性更鼓勵另一半去學習烹飪（74%）。而超過八成受訪男女更認為廚藝了得係成為「好情人」的因素（男：87%；女：83%）。於眾多菜式當中，中式家庭小菜被選為大家最有興趣學習嘅菜式（73%），緊隨其後嘅就係西餐（62%）。圓滿關係中心總監暨心理輔導學家蔡綺文女士更在活動上分析廚藝對維繫情人關係嘅重要性，佢表示為伴侶下廚期間，能暫時忘卻煩惱，專注於當下，有助舒緩身心壓力，缔造健康情緒；加上為對方發揮創意，精心料理，不但可獲得滿足感，更可以調配適合對方口味的菜式。佢更為情侶送上學習下廚如何能維繫兩性關係的關鍵 – 

L - Love  表達愛意
E - Enthusiasm 真意熱誠
A - Appreciation 欣賞感謝
R - Respect 互相尊重
N - Nutrition 營養價高

為期五堂嘅「好情人烹飪証書課程」將以「日常小確幸」、「幸福的一麵」、「親愛的紀念日」、「浪漫早午餐」及「留下好印象」為主題，教授各種不同菜式及烹飪技巧，希望所有男女情人都能夠為另一半炮製愛心美食，甚至齊齊下廚為生活加添情趣。同時，「好情人烹飪証書課程」更係全港首個邀請學員嘅另一半擔任考核官，見証另一半學有所成嘅烹飪課程。

費用：$2,500 (共五課)
導師：Margaret傅季馨 (粵/英)
語言：廣東話及英語
地點：煤氣烹飪中心