白天返工時總會因為意見不合、成果未如理想、努力未被肯定等等各種原因，而產生負面情緒。即使放工回到家中，亦都難以立即切割工作上嘅煩惱，甚至會出現情緒被工作主導嘅情況，影響到日常生活節奏。呢個時候，學識分開工作與生活就非常重要，一齊睇下心理醫生提出嘅方法啦！
#建立放工儀式
唔少人都習慣將工作上嘅思緒帶到屋企，無論食飯、沖涼，甚至到瞓覺時間，都依然回想緊白天嘅工作表現、別人嘅評價。呢個時候就可以靠一套儀式幫忙，令自己可以割開工與生活。大家可以選擇喺下班後聽輕快音樂、做運動沉澱心情，從而將自己由工作中抽離。
#學會適當討論
每當喺工作上遇到不如意嘅時，大家都會揾身邊嘅人傾訴不快。分享自己嘅情緒的確可以令精神擔子得以減輕，達到放鬆神經嘅作用，但過份嘅抱怨不但無助於改變現況，更會增添身邊人嘅壓力。所以喺討論工作上要注意分寸，以免令負面情緒蔓延。
#進行冥想
想做到割捨，就先要學會令自己放鬆落嚟，而冥想就係一個唔錯嘅方式！冥想能夠幫助我地靜下心來，專注於自身目前嘅狀態，將不穏定嘅思緒鎮靜落嚟。當你擁有平和嘅心態時，自然可以遊刃有餘地處理工作上嘅情緒，唔俾佢地影響到自身。
Tags: Homita私房話
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
