「發脾氣對身體唔好」呢個講法由細聽到大，再加上會被認定為無禮貌，所以大家都會竭盡所能去控制自己嘅情緒。近日就有大學就發脾氣與壽命進行研究，結果竟然顛覆傳統觀念，經常發脾氣嘅人反而會更加長命！
德國耶拿大學對6000名病人進行研究，團隊發現只要人能夠適當地發脾氣，就有助發洩負面情緒，從而維持身體健康。比起平日唔發脾氣嘅人，竟然仲多出兩年壽命！
而日常習慣控制好自己情緒、唔發脾氣嘅人，就偏向將負面情緒收喺心底，因此而更易患上高血壓、腎臟疾病，反而對身體造成負荷。
適當地發洩內心不滿就係幫身體排毒，所以大家唔好過份壓抑自己嘅情緒，咁先可以維持健康狀態。但發脾氣始終俾人一種負面觀感，更有機會對人際交往造成不良影響，大家不妨利用其他方式，例如做運動、逛街等方式取而代之！
Tags: Homita新鮮事
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
