空閒嘅時候，唔少人都會選擇觀看劇集作為消遣。而煲劇期間，大家不時都會偵探上身，開始推測接下來嘅劇情。最近就有研究顯示，原來經常煲劇嘅人會更加聰明，亦更精於通過表情嚟推想他人嘅內心！
外國學術期刊 Psychology of Aesthetics, Creativity and the Arts就以煲劇人士作為對象進行一項研究，團隊將觀察對象分為「睇生態紀錄片」以及「睇電視劇」兩個組別，前者會去睇生態紀錄片《Shark Week》，而後者就會睇電視劇《The West Wing》及《Mad Men》。
結果發現，睇電視劇嘅人喺智力測驗中成績較睇生態紀錄片嘅好。另外，喺一項有關人物表情及心理活動嘅測試中，睇電視劇嘅人喺透過表情猜想人物心理狀態上表現得更好，比普通人表現出更多同理心及同情心。
其實劇情片會令觀眾下意識對之後嘅劇情進行推測，呢種行為唔單只可以提高腦部思考嘅速度，亦可以增強批判思考、判斷能力，令頭腦變得更加靈活。當然啦，而家劇集越嚟越複雜燒腦，自然就可以進一步訓練大腦推理技巧！
Tags: Homita新鮮事
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
