三月至四月係日本櫻花季,各地都會有唔同嘅櫻花祭典,俾大家享受賞花樂趣。今次就要為大家介紹位於神奈川縣相模湖嘅渡假村,多達2500棵櫻花令訪客仿如置身於花海當中,亦因而被稱為關東地區最高級嘅賞櫻聖地!
祭典中最注目嘅就一定係「夜櫻燈飾」啦!喺夜幕低垂嘅時份,2500棵染井吉野櫻被多達600萬顆燈泡照亮,華麗嘅燈飾光線打於櫻花上面,進一步映襯出花朵嘅美麗~
活動中以體驗式賞花活動為主,櫻花怒放嘅盛景將會融合於遊樂景點、熱氣球、打卡場景等等不同嘅場合當中,令大家能以各種角度、距離去欣賞櫻花盛放美態!喜歡靜態賞花嘅話,就可以去到位於園中心嘅餐廳「ワイルドダイニング(Wild Dining)」,於大開嘅窗戶前一邊享受美食,一邊賞櫻。
假如你外向好動,喺各個玩樂景點玩住賞櫻就係個唔錯嘅選擇啦!想要體驗空中賞櫻嘅話,就一定要乘搭園內嘅「Pair Lift」,享受由高空俯瞰地面花海嘅時光。另外,同樣主打半空遊玩嘅景點「天狗道場」亦滿足到大家邊玩邊賞花嘅願望,仲可以趁機近距離細看櫻花!
如果想喺空中一次過欣賞櫻花與燈飾嘅話,就一定要參加熱氣球活動啦!熱氣球由地面徐徐升起,等乘客有充裕時間,可以慢慢欣賞櫻花季節限定嘅美好景色。
相模湖櫻花祭典
地址:神奈川県相模原市緑区若柳1634
日期:2019年3月21日(四・假期)~2019年4月21日(日)
※休園日:4月11日(四)、18日(四)
※夜櫻燈飾 3月21日(四・假期)~4月7日(日)
營業時間:直至4月7日(日) 9:00~21:00
※會按時期變動,請到網站確認休園日
※白天進入相模湖森林遊樂園者,可以直接觀賞夜櫻燈飾
4月8日(一)開始 10:00~16:00(平日) 9:00~17:00(六日、假期)
入場費:
相模湖渡假村 相模湖森林遊樂園(日中)10:00~16:00
入園 大人1,700円 小孩・少年・寵物(犬) 1,000円
フリーパス 大人3,900円 小孩・少年・寵物(犬)3,100円
相模湖燈飾(夜櫻燈飾)16:00~21:00 ※20:30 最終受付
入園 大人・少年1000円 小孩・寵物(犬) 700円
※夜櫻燈飾將營業至4月7日(日)
網站:http://www.sagamiko-resort.jp/sakura/
![](https://homita.com.hk/upload/author/1526871600.png)
![](../function/photo_resize.php?setwidth=100&setheight=52&imgname=../upload/article/cover_photo/1573799993.jpg)
![](../function/photo_resize.php?setwidth=100&setheight=52&imgname=../upload/article/cover_photo/1565577538.jpg)
![](../function/photo_resize.php?setwidth=100&setheight=52&imgname=../upload/article/cover_photo/1567048310.jpg)
![](../function/photo_resize.php?setwidth=100&setheight=52&imgname=../upload/article/cover_photo/1562302446.jpg)
![](../function/photo_resize.php?setwidth=100&setheight=52&imgname=../upload/article/cover_photo/1567409626.jpg)
![](../function/photo_resize.php?setwidth=100&setheight=52&imgname=../upload/article/cover_photo/1571904792.jpg)