夏天就到,女士們開始自己嘅身材份外關注,亦不禁再次思考到底世上有無唔洗郁就可以成功瘦身呢種好事。近年外國盛行一種名為「GM Diet奇蹟食譜」嘅減肥法,號稱即使唔運動,亦可以令你喺一星期內減走8公斤,真係好誇張!一齊睇下食譜嘅內容啦!
Day1:只食生果,除咗香蕉以外嘅生果都可以任意食用,最好就食返啲纖維含量較高嘅生果,例如牛油果、奇異果、啤梨等等。同時亦要注意水份攝取,確保自己飲夠8-12杯水。
Day2:早餐可以食用水煮薯仔,攝入澱粉質,而其他時間就要以綠色蔬菜作為主食,水煮菜或係生蔬菜都可以,從而令身體攝取纖維。另外亦可以喺餐單中加入豆類,補充蛋白質。同樣亦要飲用8-12杯水。
Day3:綜合前兩日嘅餐單,但就要避免食用香蕉以及薯仔,其他蔬果都可以任意食用。與前兩日一樣,都要保持飲用8-12杯水嘅習慣。
Day4:只可以食用香蕉、牛奶,喺一日內可以食用8-10隻香蕉,並飲用4杯牛奶。大家可以按自己嘅喜好,將兩者混合成為香蕉奶昔。而呢一日亦都要維持飲水嘅習慣。
Day5:食材唔再限於蔬果,喺1日內可以食用6個番茄、一碗糙米飯以及一份500g嘅魚肉或雞肉,為自己補充纖維及蛋白質。而飲水量亦要有所增加,要由8-12杯提升至12-15杯。
Day6:要以水煮蔬菜為主,喺中午嘅時候配合一份500g嘅雞肉、一碗糙米飯。而飲水量亦可以回復到之前嘅水平,8-12杯就已經足夠。
Day7:可以將蔬果打成果汁飲用,喜歡直接食用蔬果亦都可,午餐時配合1碗糙米飯食用,為身體補充澱粉質。
「奇蹟食譜」可以令你喺短短七日內,獲得驚人嘅減肥效果。但要注意呢個食譜係唔可以長時間進行,以免身體無法支持。
![](https://homita.com.hk/upload/author/1526871600.png)
![](../function/photo_resize.php?setwidth=100&setheight=52&imgname=../upload/article/cover_photo/1584695704.jpg)
![](../function/photo_resize.php?setwidth=100&setheight=52&imgname=../upload/article/cover_photo/1571389133.jpg)
![](../function/photo_resize.php?setwidth=100&setheight=52&imgname=../upload/article/cover_photo/1572945662.jpg)
![](../function/photo_resize.php?setwidth=100&setheight=52&imgname=../upload/article/cover_photo/1570005710.jpg)
![](../function/photo_resize.php?setwidth=100&setheight=52&imgname=../upload/article/cover_photo/1557206351.jpg)
![](../function/photo_resize.php?setwidth=100&setheight=52&imgname=../upload/article/cover_photo/1571732761.jpg)