瑞士天梭表上星期於上海舉辦以「這一刻 因我而生」為主題嘅Carson自動腕錶系列發佈會，天梭表全球總裁Mr. François Thiebaud、Swatch Group中國區總裁陳素貞女士聯同天梭表全球代言人劉亦菲盛裝出席，與現場嘉賓一同欣賞天梭表Carson自動腕錶系列，並為黃曉明及劉亦菲拍攝嘅全新平面廣告進行揭幕儀式。

活動當天，會場以璀璨而又充滿神秘感嘅都市為佈景，呈現年青人充滿活力與衝勁嘅生活理念，呢個正係天梭表Carson自動腕錶系列嘅設計靈感，致力為年青人設計出屬於佢地嘅第一枚機械錶。男裝腕錶配備動力儲存可達80小時嘅Powermatic 80機芯，並採用低調奢華嘅玫瑰金PVD塗層嘅精鋼錶殼，尊貴典雅，於任何場合配戴亦盡顯風範。而女裝腕錶嘅30毫米錶盤精巧玲瓏，圓弧線條柔美典雅，設計奢華時尚，以八顆天然威賽爾頓鑽石作為時標，能夠完美配合唔同造型風格，盡展女性清雅脫俗嘅一面。

天梭表全球形象代言人劉亦菲於發佈會上演繹Carson自動腕錶系列，充份展現出時代女性嘅各種活力。劉亦菲更分享自己面對工作與生活不同的態度，「作為演員，我努力研究劇本和排練，反復揣摩和研究角色的心理及神態，務求成功演繹出每個角色的獨特性。而生活中的我，從不隨波逐流，也不為喧囂所動，自然呈現最真實的自己。」

劉亦菲完美地表現出現代女性多樣化的人生態度，而瑞士天梭表與劉亦菲緊密合作多年，正係因為呢個不謀而合嘅理念。同時，劉亦菲於會上為自己與黄曉明嘅天梭表全新平面廣告揭幕，於一系列嘅照片中，劉亦菲恰如其份地展現出優雅與帥氣，充份表達出現代女性「獨立、自信、謙遜、美麗」嘅形象，而黄曉明表現自信而成熟，即使面對變化，佢亦顯得無所畏懼。

瑞士天梭表未來將繼續於製錶技藝及文化傳承方面本著匠心精神，認真對待每一道工序，並與兩位代言人繼續秉承品牌「非凡創意，源於傳統」嘅初心，全力把握每個珍貴時刻。