日本咖啡店ビブリオテーク(café & books bibliotheque)早前推出草莓甜品市集『THE Strawberry（ザ・ストロベリー）』，最近就推出第二彈啦！今次一共有3種全新草莓甜品，由3月1日(五)去到4月9日(火)登場。

メニーベリーパンケーキ クリーミー練乳ソース（本體價格 1,700円）
售賣店鋪：自由が丘店・梅田店・天神店・熊本店
班戟上面鋪滿新鮮草莓、藍莓、樹莓，酸酸甜甜嘅水果配搭鬆軟嘅班戟，再加上雪糕、生忌廉簡直係完美組合！大家可以按自己喜好，淋上濃厚嘅練奶一同食用~

ギルティーフリー8.5 パンケーキ
メニーベリーパンケーキ クリーミー練乳ソース（本體價格 1,800円）
售賣店鋪：有楽町店
呢款班戟與上款無大分別，但就係零負擔版本！賣相同樣可愛甜美，但班戟中嘅食物纖維含量就與8.5個萵苣相約，仲特別加入可以活化脂肪分解酵素嘅多酚，咁就唔洗怕食甜野會有罪惡感啦！

ストロベリーミルフィーユ（本體價格  830円）
售賣店鋪：有楽町店
店內超人氣甜點法式草莓千層酥，亦會喺今次嘅市集中登場！燒得香脆嘅酥皮上配上自家製吉士醬，又夾滿大量當造草莓，喜愛食草莓嘅話就一定唔可以錯過啦！

ストロベリーとピスタチオのダコワーズタルト（本體價格 850円）
售賣店鋪：有楽町店
同樣係酥皮與莓果呢個組合，一酸一甜搭配得啱啱好！當然，食之前要淋上樹莓醬，先至可以將味道提升到極致~