日本人氣插畫家繪子貓以其粉嫩的著色以及天馬行空的角色著稱，不只在日本，香宮以及台灣也有非常多粉絲！

簡筆畫風格獨角獸霓虹燈都係其中一個大受歡迎嘅打卡位。

舊年夏天她就帶著自己的夢幻作品走入cafe，這間位於大阪心齋橋的ECONECO Cafe & Sweet，一樓與地下分別以甜美可愛的「AnimalParade」以及黑暗性感的「XOXO DOLL」為主題，處處可以見到繪子貓個人風格強烈的插畫妝點，加上讓人少女心爆發的可愛甜品，一開店就引爆社交平台！畢竟，又有哪個少女能夠拒絕繪子貓筆下所描繪的浪漫童話世界呢？

牆面裝飾做足，又有小飾物可以用，連自拍棍都有得借，可以瘋狂影相就唔好執輸喇！

士多啤梨牛奶 – 士多啤梨奶上層有厚厚忌廉加香川縣傳統糖果oiri，下層有粒粒士多啤梨肉，味道意外不會太甜，不過忌廉份量減少少就更加好，一杯飲完真係會覺滯。

士多啤梨可麗餅 – 可麗餅一樣份量充實，啖啖當造士多啤梨肉真心大滿足，正評比將可麗餅裝喺杯入面，冇咁容易整污糟吖嘛。

為做出圓碌碌線條而改造雪糕機可以說誠意十足，加上士多啤梨朱古力以及七彩穀物圈，賣相無敵可愛！雪糕食落似甜甜牛奶味，份量比較大，兩個人分啱啱好。

繪子貓插畫包裝化妝品，少女化妝包必備！除此之外店內還有超多繪子貓商品發售，粉絲一定要親自來朝聖兼買買買！

ECONECO Cafe & Sweet
地址：大阪市中央區南船場3-6-18 心齋橋第3NSD大廈1/F及B1/F
電話：06-4300-3078
營業時間：11:00am-5:00pm
定休日：年中無休
交通：大阪市營地下鐵心齋橋站徒步約3分鐘
網頁：http://econecocafe.favy.jp/