大家知唔知巴西有日本植民地，好耐之前就有大量日本移民，將巴西美食同日本美食集合一齊，而呢間Uma Nota餐廳正正主打巴西日本融合美饌。

今個夏天位於中環蘇豪嘅Uma Nota特別炮製十款全新菜式。

其中「西班牙青檸汁醃魚生」（港幣175元）由白魚、魷魚、鮮蝦、紫洋蔥和芫茜中加入黃辣椒醬徹底拌勻，表面再撒上炸香蒜，特別又健康。

「日式秘魯風味酸橘汁醃魚生」（港幣175元）就以八爪魚同牛油果配搭魚生，再以米醋、味醂、豉油、日式高湯同少許青檸汁調製醬料，睇上去好有亞洲特色。

另一款全新魚生菜式為「味噌辣汁生魚片」（港幣150元），薄切白魚以加入味噌的酸橘汁醃製，加上其他配料: 腰果、辣椒、芫茜和牛油果，又唔會太酸，味道岩岩好。

另外，新推出嘅小食包括「豬肉炸丸子」配日式芥末和青瓜蛋黃（港幣75元），以及「照燒八爪魚」配甜薯和自製照燒汁（港幣135元）。

Uma Nota嘅串燒深受賓客歡迎，依加更推出「吞拿魚串燒」（港幣115元），滋味令人難以抗拒。

想share 嘅話，「蕉葉香烤海鱸魚扒」（港幣290元）將原條海鱸魚扒放係蕉葉裡面烤，配搭炸香蕉、木薯粉，大大份份量十足。

除左海鱸魚外，另一款全新主菜「油封豬柳」（港幣250元）充滿肉汁嘅豬柳以西京燒味噌薯蓉墊底，諗起都肚餓。

最後，餐廳亦精心推出兩款全新甜品，為美味之旅畫上圓滿句號。「巴西芝士蛋糕」（港幣75元），Uma Nota特別配上新鮮香橙、薑糖漿同巴西果仁脆脆。而「黑芝麻慕斯」（港幣80元）就以日本黑芝麻同白朱古力為主要食材，伴自製蛋白霜同新鮮紅桑子，味道酸甜誘人。

Uma Nota

地址: 中環蘇豪卑利街38號地下C號舖

電話號碼 :28897576