以下落黎土小編要介紹比較小眾嘅意大利南部西西利嘅巴勒莫Palermo。

西西利大家都諗起黑手黨，但小編今次去就覺得完全無呢件事。Palermo天氣好好，因為位於歐洲南部，一年四季都比較和暖，夏天好少落雨，冬天亦都唔會太凍。佢地生活節奏十分休閒，古色古鄉嘅建築，令小編覺得好浪漫好舒服。

今次小編就係夏天黎Palermo嘅，經本地人介紹後，去咗佢地最受歡迎嘅Mondello沙灘，一去到就見到好多人享受緊日光浴。被Mediterranean Seas 圍住嘅西西利，海水當然特別清澈，海底一目了然。白色嘅沙，真係好誘人，海水係夏天黎講都比較涼。

夜晚想去摸下酒杯底嘅話，可以去 Kalsa或者Sant'Anna廣場，佢地都係好受歡迎嘅酒吧街，整條街被意大利特色建築包圍，唔只有各色各樣嘅酒吧街林立，仲可以搵到好多當地嘅美食。

Palermo 係西西利南部首都，曾經被阿拉伯人和古羅馬等等佔領過，直到19世紀先正式被意大利統治，充滿歷史色彩。你可以參觀下唔同嘅教堂，而小編最鐘意嘅係呢間叫Santa Caterina嘅教堂，仍為文藝復興時期之作，有強烈嘅線條感同對比顏色的感覺又不失和諧。

如果想想玩得更加刺激，大膽嘅人可去卡普奇尼地下墓穴（Catacombe dei Cappuccini），是為另類體驗，館內收藏了8000具乾屍，一些只有骨頭嘅外表，有些卻保存很好，似係訓左咁。雖然面對著不同的乾屍同骷髏是幾咁令人毛骨悚然，但係細細參觀下，你會更了解當時人民嘅的背景。

Palermo 附近的小島嶼都係非常值得去的嘅地方，係離Palermo市中心一小時嘅 Trapani碼頭乘搭渡海小輪，就可到隱世美麗嘅島嶼 Favignana, Levanzo 或者Marettimo，很多當地意大利人都會係假日去休息嘅地方。