假如要去這家壽司店就切記先預留好一個空肚子和大胃，因為這家當地名地主打重量級海鮮丼，甚至獲當地觀光情報局推薦，期待值絕對有五星！最有名的當屬Jumbo海鮮丼，3,560日圓一碗雖然不算便宜，但佈滿約15款當日精選刺身，份量之大兩個人食都無問題。如果一個人食完更可獲800日圓的食卷和挑戰超級Jumbo海鮮丼的機會，有信心的人可以一試。要留意店內最低消費每人至少點一款食物，因此我們建議點一個Jumbo海鮮丼再加配兩三款小食。這裡的小食完全不遜色於主打海鮮丼，同樣出色值得一試。想試多幾款就當然最好叫埋朋友仔開心share啦!

Jumbo 海鮮丼 / 3,560日圓 ~ 厚身的拖羅自然是亮點，油脂比例均勻夠肥美，入口即溶。另外令人意外的是蟹肉極為鮮甜，可以稱上海鮮丼內的亞軍。

甜蝦丼/2,400日圓 – 海鮮丼以外亦可試試甜蝦丼。使用大量當地有名的甜蝦，喜歡蝦的人必點。

剛炸好的墨魚香氣四溢，記得趁熱食，否則風味大減。

壽司一人前/價錢視乎所選壽司 – 刺身大片而飯量少，食完亦可以有胃口試其他食物。

まつくら
地址：北海道増毛郡増毛町大字弁天町1-22
電話：0164-53-2446
營業時間：11:00am-9:00pm
定休日：每月第一及第三個星期一
交通：JR增毛站徒步約3分鐘
網址：https://tabelog.com/hokkaido/A0109/A010905/1002318/