個妝化得好唔好，唔單止關化妝品好唔好用事，工具都好重要！就好似上底妝，即使市面上有唔少粉撲、化妝掃等工具，唔少女生仍然鍾意用雙手上妝，感覺上妝工具都唔夠手指推開咁均勻、貼服。日本最近就有一款大熱粉底神器，聲稱能還有手指上妝效果但又唔洗整污糟雙手！大家又有無用過呢～
由日本肌パフ推出嘅矽膠粉撲，用上醫療用嘅皮膚矽膠，模仿人類皮膚嘅質感，就連皮膚紋路都模仿到十足十，摸上手絕對嚇你一跳！而用佢嚟上粉底就有一種好似用手指上嘅貼服感，令到粉底變成自己嘅第二層皮膚，而且延展度極高，可以節省粉底用量！
由於係矽膠材質嘅關係，唔會出現「吃粉」嘅問題，可以話係一滴都唔會嘥！而粉撲背後嘅凹陷設計，令你可以上妝時放置手指，揸起上嚟好啱手型，粉撲是微曲的形狀，讓你可以完美貼合臉部前端。尖尖嘅位置可以係鼻翼、眼底等微細嘅地方做到細緻嘅妝效添！
清洗方面同普通矽膠粉撲差唔多，基本上可以用水直接沖洗，又或者用卸妝濕紙巾抹，一抹就好似全新嘅一樣～可以重覆用好多次又唔洗擔心細菌滋生等衛生問題～以為用人工皮膚技術價錢就好貴？錯喇～都係680円（ 734円連稅），即係港幣$49咋，去到日本記得留意下喇！
Tags: Homita愛美麗
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
膚 Skin Care | by Y小編 | 7 years ago
妝 Cosmetics | by Y小編 | 7 years ago
妝 Cosmetics | by P编 | 2 years ago
妝 Cosmetics | by Angel | 3 years ago
妝 Cosmetics | by Angel | 3 years ago
妝 Cosmetics | by Angel | 3 years ago
